قاتار-2022: وڭتۇستىك كورەيانىڭ باس باپكەرى قىزمەتىنەن كەتتى
پورتۋگاليالىق مامان كومانداسى 1/8 فينالدا برازيليادان 1:4 ەسەبىمەن جەڭىلىپ قالعاننان كەيىن ورنىن بوساتاتىنىن مالىمدەدى.
«بولاشاق تۋرالى ويلاۋعا تۋرا كەلەدى. ءبىراق ول كورەيا قۇراماسى ويىنشىلارىمەن بايلانىستى ەمەس. فۋتبولشىلار مەن وڭتۇستىك كورەيا فەدەراتسياسىنىڭ پرەزيدەنتىنە كەتەتىنىم تۋرالى ايتتىم. بۇل شەشىم قىركۇيەك ايىندا قابىلدانعان. مەن ويىنشىلارعا العىس ايتقىم كەلەدى. ولار قولدان كەلگەننىڭ ءبارىن جاسادى، كورەيالىقتاردىڭ باپكەرى بولعانىما قۋانىشتىمىن ءارى ماقتان ەتەمىن»، - دەپ كەلتىرەدى Sky Sports پاۋلۋ بەنتۋدىڭ ءسوزىن.
پاۋلۋ بەنتۋ كورەيا قۇراماسىن 2018 -جىلدان بەرى جاتتىقتىرىپ كەلدى.
ەسكە سالا كەتەيىك، بۇدان بۇرىن پەنالتي سەرياسىندا جاپونيانى جەڭگەن حورۆاتيانىڭ شيرەك فينالعا شىققانىن جازعان بولاتىنبىز.
حورۆاتيا ويىنشىسى ءوز ەلىنىڭ رەكوردىن ورناتتى.
فوتو: SAKIS SAVVIDES
اۆتور
عايساعالي سەيتاق