قاتار-2022: انگليا شيرەك فينالعا شىعا الا ما

استانا. قازاقپارات - قاتاردا ءوتىپ جاتقان فۋتبولدان 2022 -جىلعى الەم چەمپيوناتىندا بۇگىن 1/8 فينالىنىڭ ەكىنشى ويىن كۇنىندە انگليا مەن سەنەگال قۇرامالارى كەزدەسەدى، دەپ حابارلايدى قازاقپارات ءتىلشىسى.

كەزدەسۋ ەلوردا ۋاقىتىمەن 1.00 دە باستالىپ، «Qazaqstan» جانە «Qazsport» تەلەارنالارىنان تىكەلەي ەفيردە كورسەتىلەدى.

ويىن ەل- قاۋر قالاسىنداعى 68965 جانكۇيەرگە ارنالعان «ەل- بايت» ستاديونىندا وتكىزىلەدى. باس تورەشى - سالۆادورلىق يۆان بارتون. وعان وتانداسى داۆيد موران سانتوس پەن ا ق ش- تان بارعان كەتي نەسبيتت كومەكشىلىك جاسايدى. قوسالقى تورەشى - گوندۋراستىق سايد مارتينەس.

FIFA رەيتينگىندە انگليا – 5، سەنەگال 18-ورىندا تۇر.

ەكى قۇراما ءوزىنىڭ تاريحىندا تۇڭعىش مارتە كەزدەسىپ وتىر.

توپتىق كەزەڭدە انگليا ۆ توبىندا ويىن كورسەتتى. يراندى 6:2، ۋەلستى 3:0 ەسەبىمەن جەڭىپ، ا ق ش- پەن 0:0 ەسەبىمەن اياقتادى.

ال، سەنەگال ا توبىندا قاتاردى 3:1، ەكۆادوردى 2:1 ەسەبىمەن جەڭىپ، نيدەرلاندقا 0:2 ەسەبىمەن جەڭىلدى.

سونداي- اق، 4-جەلتوقساندا ەلوردا ۋاقىتىمەن 21.00 دە فرانسيا مەن پولشا كەزدەسۋى «Qazaqstan» مەن «Qazsport» تەلەارنالارىنان كورسەتىلەدى.

ەسكە سالساق، 3-جەلتوقساندا شيرەك فينالعا شىققان ەكى قۇراما انىقتالدى.

فوتو: GETTY IMAGES