قاتار-2022: ارگەنتينا قۇراماسى اۆستراليانى جەڭە الا ما
3 جەلتوقسان, 15:01

قاتار-2022: ارگەنتينا قۇراماسى اۆستراليانى جەڭە الا ما

استانا. قازاقپارات - قاتاردا ءوتىپ جاتقان فۋتبولدان 2022 -جىلعى الەم چەمپيوناتىندا بۇگىن 1/8 فينالىنداعى ەكىنشى كەزدەسۋدە ارگەنتينا- اۆستراليا قۇرامالارى كەزدەسەدى، دەپ حابارلايدى قازاقپارات ءتىلشىسى.

كەزدەسۋ ەلوردا ۋاقىتىمەن 1.00 دە باستالىپ، «Qazaqstan» جانە «Qazsport» تەلەارنالارىنان تىكەلەي ەفيردە كورسەتىلەدى.

ويىن ال- رايان قالاسىنداعى 45032 جانكۇيەرگە ارنالعان «احمەد بين الي» ستاديونىندا وتكىزىلەدى. باس تورەشى - پولشالىق شيمون مارتسينياك. وعان وتانداستارى پاۆەل سوكولنيتسكي مەن توماش ليستكيەۆيچ كومەكشىلىك جااسيدى.. قوسالقى تورەشى - گۆاتەمالالىق ماريو ەسكوبار.

FIFA رەيتينگىندە ارگەنتينا – 3، اۆستراليا 38-ورىندا تۇر.

توپتىق كەزەڭدە ارگەنتينا س توبىندا التى ۇپايمەن ءبىرىنشى ورىن الدى. ولار الدىمەن ساۋد ارابياسىنان 1:2 ەسەبىمەن جەڭىلىپ، مەكسيكا مەن پولشادان 2:0 ەسەبىمەن باسىم ءتۇستى.

ال D توبىندا اۆستراليا التى ۇپايمەن ەكىنشى ورىندى قاناعات تۇتتى. ولار فرانتسيادان 1:4 ەسەبىمەن جەڭىلىپ، تۋنيس پەن دانيانى 1:0 ەسەبىمەن تىزە بۇكتىردى.

ەكى قۇراما بۇعان دەيىن جەتى مارتە كەزدەستى. ونىڭ بەسەۋىندە ارگەنتينالىق، بىرەۋىندە اۆستراليالىق فۋتبولشىلار جەڭىسكە جەتسە، ءبىر كەزدەسۋ تەڭ ناتيجەمەن اياقتالدى.

سونداي- اق، ەلوردا ۋاقىتىمەن 21.00 دە نيدەرلاند پەن ا ق ش كەزدەسۋى «Qazaqstan» مەن «Qazsport» تەلەارنالارىنان كورسەتىلەدى.

ەسكە سالساق، الەم چەمپيوناتىنىڭ 1/8 فينالىنا شىققان قۇرامالار انىقتالدى.

جاڭالىقتار