قاتار-2022: گەرمانيا قۇراماسى پلەي-وفف كەزەڭىنە شىعا الماي قالدى

استانا. قازاقپارات - قاتاردا فۋتبولدان ءوتىپ جاتقان الەم چەمپيوناتىندا ە توبىندا كوستا-ريكا مەن گەرمانيا قۇرامالارى پلەي-وفف جولداماسى ءۇشىن سىنعا ءتۇستى، دەپ حابارلايدى قازاقپارات ءتىلشىسى.

بۇل توپتا ەكى تۋردان كەيىن يسپانيا (4 ۇپاي) كوش باستاسا، جاپونيا مەن كوستا-ريكادا 3، گەرمانيادا 1 عانا ۇپاي بار ەدى. سوندىقتان بۇعان دەيىن ءتورت دۇركىن الەم چەمپيونى اتانعان گەرمانيالىقتارعا سوڭعى ويىندا تەك جەڭىس قاجەت- ءتى.

ماتچ كۇتكەندەگىدەي، نەمىس فۋتبولشىلارىنىڭ شابۋىلىمەن باستالدى. 10-مينۋتتا سول قاپتالدان داۆيد راۋم اسىرعان دوپتى سەرج گنابري باسپەن تورعا ءدال ءتۇسىردى - 1:0.

ەكىنشى كەزەڭدە 58-مينۋتتا گەرمانيا قورعانىسى سىر بەردى. قاقپاشى مانۋەل نويەر قايتارعان دوپقا ەلتسين تەحەدا ءبىرىنشى بولىپ جەتتى - 1:1. 70-مينۋتتا ايىپ دوبى ورىندالعاننان كەيىن حۋان پابلو ۆارگاس كوستا-ريكانى العا شىعاردى - 2:1. ىلە-شالا 73-مينۋتتا كاي حاۆەرتس تارازى باسىن تەڭەستىردى - 2:2. 85-مينۋتتا ك. حاۆەرتس تاعى ءبىر گولدىڭ اۆتورى اتاندى - 3:2. 90-مينۋتتا نيكلاس فيۋللكرۋگ ەسەپتى 4:2-گە جەتكىزدى.

وسىلايشا، گەرمانيا قۇراماسى كوستا-ريكانى جەڭگەنىمەن، يسپانيامەن بىردەي 4 ۇپاي جيناپ، دوپ ايىرماسىمەن جول بەرىپ، پلەي-وفف كەزەڭىنە شىعا الماي قالدى. بۇل توپتا يسپانيانى تىزە بۇكتىرگەن جاپونيا ءبىرىنشى ورىن الىپ، 5-جەلتوقساندا حورۆاتيامەن وينايدى. ال پلەي-وفقا ەكىنشى ورىنمەن شىققان يسپانيا 6 جەلتوقسان كۇنى ماروككومەن كەزدەسەدى.

ەسكە سالا كەتەيىك، بۇدان بۇرىن تۋنيستەن ۇتىلعان فرانسيانىڭ ءوز توبىندا ءبىرىنشى ورىنعا يە بولعانىن جازعان بولاتىنبىز.

سونداي-اق الەم چەمپيوناتتارىندا ماتچ وتكىزۋ جونىنەن مەسسي مارادونانىڭ رەكوردىن جاڭارتتى.

ارگەنتينا ءوز توبىنان ءبىرىنشى ورىنمەن پلەي- وفقا ءوتتى.

مەكسيكا قۇراماسىنىڭ باس باپكەرى قىزمەتىنەن كەتتى.

بەلگيامەن تەڭ تۇسكەن حورۆاتيا جارىستى جالعاستىرادى.