استانانىڭ 2022-جىلعا ارنالعان بيۋجەتى ناقتىلاندى
«تالداۋقورىتىندىلارىن نەگىزگە الا وتىرىپ، قالانىڭ تابىس جوسپارىن 22,5 ميلليارد تەڭگەگە ۇلعايتۋ ارقىلى 579,2 ميلليارد تەڭگەگە جەتكىزۋ ۇسىنىلادى. ونىڭ ىشىندە سالىقتىق تۇسىمدەر بويىنشا - 24 ميلليارد تەڭگە، سالىقتىق ەمەس تۇسىمدەر بويىنشا - 3,2 ميلليارد تەڭگە، نەگىزگى كاپيتالدى ساتۋدان تۇسكەن تۇسىمدەر بويىنشا- جوسپاردى 830 ميلليون تەڭگەگە ۇلعايتۋ كوزدەلەدى. بيۋجەتتىك كرەديتتەردى وتەۋ بويىنشا ءوتىمدى مۇلىكتى كوممۋنالدىق مەنشىككە بەرۋ جانە «تەپلوترانزيت» ا ق تاراپىنان كرەديتتەردى وتەمەۋ ەسەبىنەن «ەلوردا قۇرىلىس كومپانياسى» ج ش س تاراپىنان كرەديتتەردى ءىشىنارا وتەۋدى ەسكەرە وتىرىپ، جوسپار 5,5 ميلليارد تەڭگەگە ازايتىلسىن»، - دەدى قايسار مانقارايەۆ ءماسليحات وتىرىسىندا.
ايتۋىنشا، قاراجاتتى قايتا ءبولۋ ەسەبىنەن مىناداي ءىس-شارالار قوسىمشا قولداۋ تاپقان:
ءبىلىم باسقارماسىنا كۇلتەگىن كوشەسى 17/1 مەكەنجايىنداعى بالاباقشا عيماراتىن ساتىپ الۋ ءۇشىن 200 ميلليون تەڭگە سوماسىندا، دەنە شىنىقتىرۋ جانە سپورت باسقارماسىنا كوركەم گيمناستيكا جانە مانەرلەپ سىرعاناۋ شارالارىن وتكىزۋگە 30 ميلليون تەڭگە، اكتيۆتەر مەن مەملەكەتتىك ساتىپ الۋ باسقارماسىنا اسكەري كوميتەت عيماراتىن ساتىپ الۋ جوباسىن قارجىلاندىرۋ كولەمى 520 ميلليون تەڭگەگە دەيىن ۇلعايتىلماق.
«سونداي-اق، قۇرىلىس باسقارماسىنا «Ramada Plaza» عيماراتىن جوبالاۋ مەن قايتا جاڭارتۋدى باستاۋ ءۇشىن ستاتسيونارعا 100 مىڭ تەڭگە كولەمىندە قاراجات قاراستىرىلعان. كولىك جانە كولىك ينفراقۇرىلىمىن دامىتۋ باسقارماسىنا تاسىمالداۋشىنىڭ شىعىستارىن سۋبسيديالاۋعا قوسىمشا 200 ميلليون تەڭگە ءبولىپ، جالپى سوماسىن 4,2 ميلليارد تەڭگە جەتكىزۋ قاراستىرىلعان.
وسىلايشا، ەنگىزىلەتىن وزگەرىستەردى ەسكەرە وتىرىپ، استانانىڭ 2022-جىلعا ارنالعان ناقتىلانعان بيۋجەتىنىڭ جالپى كولەمى 911,19 ميلليارد تەڭگەنى قۇرايدى. ونىڭ ىشىندە ءوز تابىسى بويىنشا تۇسىمدەر 579,2 ميلليارد تەڭگەنى، رەسپۋبليكالىق بيۋجەت پەن ترانسفەرتتەر ءتۇسىمى 236,5 ميلليارد تەڭگە، سونداي-اق قارىزدار تۇسىمدەرى 32,1 ميلليارد تەڭگە بولىپ بەلگىلەندى»، - دەدى باسقارما باسشىسى.