بەيجىڭ-2022: قازاقستاندىق شورت-ترەكشى جارىستان شەتتەتىلدى

نۇر-سۇلتان. قازاقپارات - بەيجىڭدەگى قىسقى وليمپيادا ويىندارىندا بۇگىن ايەلدەر اراسىندا شورت-ترەكتەن 1500 مەتر قاشىقتىقتا جۇلدەلەر ساراپقا سالىنىپ جاتىر، دەپ حابارلايدى قازاقپارات ءتىلشىسى.

اتالعان قاشىقتىقتا قازاقستان نامىسىن ولگا تيحونوۆا قورعاعان بولاتىن. ول مۇز ايدىدا بەس سپورتشىمەن بىرگە ءۇشىنشى توپتا سىنعا ءتۇستى. ناتيجەسىندە 2:23,48 ۋاقىت كورسەتكىشىمەن ءتورتىنشى بولىپ مارەگە جەتتى.

الايدا، ونىڭ جارىس بارىسىندا ەرەجە بۇزعانى انىقتالىپ جارىستان شەتتەتىلدى. وسىلايشا ول بەيجىڭدەگى وليمپيادا ويىندارىن جۇلدەسىز اياقتادى.

ايتا كەتەلىك، شورت-ترەكتەن قازاقستان كومانداسىنىڭ ەڭ ۇزدىك ناتيجەسىن ابزال اجىعاليەۆ تىركەدى. ول 500 مەترگە جۇگىرۋدەن ا فينالىندا سىنعا ءتۇسىپ، ءتورتىنشى ورىن يەلەندى.

ايتا كەتەيىك، اتالعان اق وليمپيادادا ويىندارىندا ەلىمىزدىڭ نامىسىن 8 سپورت تۇرىنەن 34 سپورتشى قورعاپ جاتىر.

ولار - قىسقى سپورت ويىندارىنىڭ ىشىندە سپورتتىڭ شاڭعى جارىسى، فريستايل-موگۋل، شاڭعى اكروباتيكاسى، تاۋ شاڭعىسى، شاڭعىمەن سەكىرۋ، بياتلون جانە شورت-ترەك تۇرلەرىنەن سىنعا تۇسۋدە.

بەيجىڭ وليمپياداسى 20- اقپاندا مارەسىنە جەتەدى.

اۆتور: كۇنسۇلتان وتارباي