USD 434.48 EUR 492.61
RUB 5.68 CNY 68.44
جاڭالىقتار

بەيجىڭ 2022: اق وليمپيادا تۋرالى ماڭىزدى بەس دەرەك

14 قاڭتار 17:47
:ءبولىسۋ

نۇر- سۇلتان. قازاقپارات - بەيجىڭدەگى اق وليمپيادانىڭ باستالۋىنا ءبىر ايدان از ۋاقىت قالدى. ءتورتجىلدىقتىڭ ەڭ ءىرى سپورتتىق جارىسى وسىمەن 24-رەت وتكەلى وتىر، دەپ حابارلايدى Olympic.kz.

قىتاي قىسقى جانە جازعى وليمپيادانى قابىلداعان العاشقى مەملەكەت بولماق. وسى ورايدا، وليمپيادا كەزىندە جاڭا نىسانداردان بولەك، 2008 -جىلعى جازعى ويىندارعا قولدانىلعان سپورتتىق نىساندار دا قولدانىلادى. ماسەلەن، وليمپيادانىڭ اشىلۋ جانە جابىلۋ سالتاناتى «قۇس ۇياسى» رەتىندە تانىلعان بەيجىڭنىڭ ۇلتتىق ستاديونىندا وتەدى. 2008 -جىلعى جازعى ويىننىڭ سالتاناتتى شارالارى دا سول كەشەندە وتكەن بولاتىن.

وليمپيادا باعدارلاماسىنا ەنگەن جاڭا جارىس تۇرلەرىن ايتقاندا گەندەرلىك تەڭدىكتى دە اتاپ ءوتۋ قاجەت. 2022 -جىلعى بەيجىڭ وليمپياداسىنىڭ باعدارلاماسىن جەتى جاڭا جارىس ءتۇرى قوسىلدى. اتاپ ايتار بولساق، شورت- ترەكتەن ارالاس ەستافەتا، شاڭعى اكروباتيكاسىنان، شاڭعىمەن تۇعىردان سەكىرۋدەن جانە سنوۋبورد- كروسستان ارالاس كوماندالىق تۋرنير، فريستايلدان ەرلەر مەن ايەلدەر اراسىنداعى بيگ- ەير، سونداي- اق، مونوبوبتان ايەلدەر اراسىنداعى باسەكەدەن جۇلدەلەر تاراتىلادى. قوسىمشا جارىس تۇرلەرى ارقىلى قىسقى ويىندار تاريحىندا العاش رەت گەندەرلىك بالانس ساقتالماقشى. 2018 -جىلعى ويىنمەن سالىستىرعاندا، ايەلدەر سانى 45 پايىزدان اسادى.

بەيجىڭ وليمپياداسىنىڭ جارىس كۇنتىزبەسىنە توقتالايىق. ويىننىڭ اشىلۋ سالتاناتى 4 - اقپان كۇنى، جابىلۋى 16 - اقپاندا وتەدى. باسەكەلەر رەسمي تۇردە اشىلۋ سالتاناتىنان ەكى كۇن بۇرىن باستالىپ كەتەتىنىن ەسكەرتەمىز. سونىمەن قاتار، جارىستار تۇبەگەيلى 20 - اقپاندا اياقتالادى. سوڭعى جارىس كۇنىندە بوبسلەي، كەرلينگ، شاڭعى جارىسى، مانەرلەپ سىرعاناۋ مەن حوككەيدەن جەڭىمپازدار انىقتالادى.

سونداي- اق، بەيجىڭدەگى وليمپيادا جانە پاراليمپيادا ويىندارىنا ارناپ سالىنعان 12 سپورتتىق نىساننىڭ بارلىعى دا اياقتالدى. ءۇش وليمپيادالىق اۋىل، باستى مەديا- ورتالىق، ۇلتتىق ستاديون جانە وزگە دە نىساندار قولدانىسقا بەرىلدى. وسىلايشا، وليمپيادانىڭ باستالۋىنا ەكى ايدان اسا ۋاقىت قالعاندا بەيجىڭ قالاسى قىسقى ويىنداردى قابىلداۋعا تولىق دايىن بولدى.

اتلەتتەردىڭ ومىرىندەگى ەڭ ەستە قالارلىق ساتتەردىڭ ءبىرى - ماراپاتتاۋ ءراسىمى. بەيجىڭ وليمپياداسىن ۇيىمداستىرۋشىلار بۇل ءساتتىڭ كەرەمەت وتۋىنە بار جاعداي جاساپ وتىر. قاڭتار ايىنىڭ باسىندا ماراپاتتاۋ ءراسىمىنىڭ اتريبۋتتارى تانىستىرىلدى. تانىستىرىلىم اياسىندا كوپشىلىككە گۇلدەر، تۇعىر مەن ماراپاتتاۋشىلاردىڭ كيىمدەرى كورسەتىلدى.

ايتا كەتەلىك، وليمپيادا جەڭىمپازدارى گۇلدەن بولەك ارنايى تاپسىرىسپەن دايىندالعان ويىننىڭ بويتۇمارىن دا سىيعا الادى. الداعى وليمپيادا ويىندارى جارقىن ساتتەرگە تولى بولماق. ولاردىڭ قاتارىندا #teamKZ سپورتشىلارى دا بار. قازىرگى تاڭدا ولار رەيتينگىلىك ۇپاي جيناۋدا. وليمپياداعا قاتىساتىن سپورتشىلاردىڭ ءتىزىمى ليسەنزيالىق تۋرنيرلەر تولىق اياقتالعان سوڭ انىقتالادى. ال ءبىز ءوز كەزەگىمىزدە سپورتشىلارمەن تانىستىرۋدا باستايمىز.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات