قىتايدا 2022 -جىلعى وليمپيادا ويىندارى مەدالدارىنىڭ ديزاينى ۇسىنىلدى
بۇل تۋرالى «بەيجىڭ-2022» ۇيىمداستىرۋ كوميتەتىنىڭ سايتىندا حابارلانىپ وتىر، دەپ جازادى قازاقپارات ءتىلشىسى.
مەدالدىڭ باستى بەتىندە وليمپيادانىڭ بەس ساقيناسى بەينەلەنىپ، سپورت شاراسىنىڭ اعىلشىن تىلىندەگى تولىق اتاۋى - XXIV Olympic Winter Games Beijing 2022 دەپ جازىلعان، سونداي- اق بۇلت جانە قار ۇشقىندارىمە ورنەكتەلگەن. مەدال بەتىنەن اسپان، جەر جانە ادام اراسىنداعى ۇيلەسىمدىكتى بەينەلەيتىن قىتايلىق ءداستۇرلى فيلوسوفيانى بىلدىرگەن بەس شوعىرلاس ساقينانى كورۋگە بولادى.
ريەۆەرسىندە بەيجىڭدەگى قىسقى وليمپيادانىڭ ەمبلەماسى مەن ويىنداردىڭ قىتاي تىلىندەگى اتاۋى بار. ەمبلەمانىڭ جان جاعىنداعى ساقينالاردا ەسەپ بويىنشا 24-قىسقى وليمپيادا ويىندارىنىڭ قۇرمەتىنە 24 نۇكتە ويىلعان.
«بەيجىڭ-2022» ۇيىمداستىرۋ كوميتەتى سونداي- اق پاراليمپيادا ويىندارىنىڭ جۇلدەگەرلەرىنە بەرىلەتىن ناگرادالار ديزاينىن دا ۇسىنعان. ەسكە سالا كەتسەك، XXIV قىسقى وليمپيادا ويىندارى 2022 -جىلدىڭ 4-20-اقپان كۇندەرى بەيجىڭ قالاسىندا وتەدى.
اۆتورى رۋسلان سۇلەيمەنوۆ