+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

ەۋرو-2022: فۋتزالدان قازاقستان قۇراماسىنىڭ قارسىلاستارى انىقتالدى

19 قازان 07:02
:ءبولىسۋ
ەۋرو-2022: فۋتزالدان قازاقستان قۇراماسىنىڭ قارسىلاستارى انىقتالدى

زەيست. قازاقپارات - بۇگىن نيدەرلاندىنىڭ زەيست قالاسىندا فۋتزالدان 2022 -جىلعى ەۋروپا چەمپيوناتىنىڭ فينالدىق كەزەڭىنىڭ جەرەبەسى تارتىلىپ، قازاقستان قۇراماسىنىڭ قارسىلاستارى انىقتالدى، دەپ حابارلايدى قازاقپارات UEFA سايتىنا سىلتەمە جاساپ.

قازاقستان قۇراماسى ۆ توبىندا سىنعا تۇسەتىن بولدى. قارسىلاستارى - يتاليا، سلوۆەنيا جانە فينليانديا. قازاقستاندىق فۋتزالشىلار 20-قاڭتاردا سلوۆەنيامەن كەزدەسەدى. ودان كەيىن 24-قاڭتاردا فينليانديا، 28-قاڭتاردا يتاليامەن شەبەرلىك بايقاسادى.

وزگە توپتارداعى قۇرامالار ءبولىنىسى تومەندەگىشە: ا توبى: نيدەرلاندى، سەربيا نەمەسە بەلارۋس، ۋكراينا، پورتۋگاليا

C توبى: رەسەي، پولشا، سلوۆاكيا، حورۆاتيا

D توبى: گرۋزيا، يسپانيا، ازەربايجان، بوسنيا جانە گەرتسەگوۆينا بۇعان دەيىن حابارلانعانداي، جەرەبە تارتۋ ءراسىمى UEFA.tv ارناسىندا تىكەلەي ەفيردەن كورسەتىلدى.

شارا ەلوردا ۋاقىتىمەن ساعات 22:00-دە باستالدى. سەربيا مەن بەلارۋس قۇرامالارى تاعى ءبىر جولدامانى ساراپقا سالادى. ويىندار 14-جانە 17-قاراشا كۇندەرىنە بەلگىلەنگەن. قۇرلىقتىق دودا 2022 -جىلدىڭ 19-قاڭتارى مەن 6-اقپانى ارالىعىندا نيدەرلاندىنىڭ امستەردام جانە گرونينگەن قالالارىندا وتكىزىلەدى. وندا بارلىعى 16 قۇراما باق سىنايدى.

ايتا كەتەيىك، قازاقستاندىق فۋتزالشىلار ەۋروپا بىرىنشىلىگىندە 2016 -جىلى العاش رەت قاتىستى. سول جىلى توپتىق كەزەڭدە رەسەيدەن 1:2 ەسەبىمەن جەڭىلىپ، حورۆاتيادان 4:2 ەسەبىمەن باسىم ءتۇستى. ودان كەيىن شيرەك فينالدا يتاليانى 5:2 ەسەبىمەن ءسۇرىندىردى. جارتىلاي فينالدا يسپانياعا 3:5 ەسەبىمەن جول بەردى. ال 3-ورىن ءۇشىن سايىستا سەربيانى 5:2 ەسەبىمەن جەڭىپ، قولا جۇلدەگەر اتاندى.

2018 -جىلعى قۇرلىقتىق دودادا B توبىندا پولشانى 5:1 ەسەبىمەن جەڭسە، رەسەيمەن 1:1 ەسەبىنە قاناعات ءبىلدىردى. ال شيرەك فينالدا سەربيادان 3:1 ەسەبىمەن ايلاسىن اسىردى. جارتىلاي فينالدا يسپانيامەن نەگىزگى كەزەڭدە 5:5 ەسەبىمەن تەڭ ويناپ، پەنالتيدەن 1:3 ەسەبىمەن ەسە جىبەردى.

ەسكە سالساق، قازاقستان قۇراماسى بيىل وتكەن الەم چەمپيوناتىندا ءتورتىنشى ورىن الدى.



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات