قازاقستاندا 2022-جىلى الەمدىك جانە ءداستۇرلى دىندەر كوشباسشىلارىنىڭ سەزى وتەدى

None
None
نۇر-سۇلتان. قازاقپارات - ەلىمىزدە كەلەسى جىلى الەمدىك جانە ءداستۇرلى دىندەر كوشباسشىلارىنىڭ سەزى وتەدى.

جاھاندىق شارا جازدا ۇيىمداستىرىلۋى ءتيىس ەدى. ەپيدەميولوگيالىق جاعدايعا بايلانىستى اۋىستىرىلدى.

ەندى ەلوردادا 6- قازان كۇنى ءدىن ليدەرلەرى حاتشىلىعىنىڭ 19-وتىرىسى وتەدى. وندا ءدىنباسىلاردىڭ VII سەزىندە تالقىلاناتىن ماڭىزدى ماسەلەلەر قارالادى.

الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ 19-وتىرىسىنا الەمنىڭ 20 عا جۋىق ەلىنەن وكىل كەلەدى.

ەپيدەميولوگيالىق جاعدايعا بايلانىستى ونلاين قاتىسۋعا دا مۇمكىندىك بار. قازاق ەلىندەگى تۇراقتىلىق پەن بەيبىتشىلىك جۇمىر جەردەگى ءتۇرلى ءدىن وكىلدەرىن تاعى ءبىر مارتە ەلورداعا جيناۋعا ارقاۋ بولدى.

قازاقستاننىڭ الەمدىك ارەناداعى اراعايىندىق ارەكەتى دە رۋحاني كوشباسشىلاردى ءتانتى ەتىپ كەلەدى.

ەرجان نۇكەجانوۆ، ءدىن ىستەرى كوميتەتىنىڭ ءتوراعاسى:

- مادەني ىنتىماقتاستىق، ءوزارا تۇسىنىستىك، وسكەلەڭ ۇرپاقتىڭ تاربيەسى دە قاراستىرىلادى. بۇندا تەك ءدىني ماسەلە ەمەس، الەمدىك احۋالعا بايلانىستى ارى قاراي دامۋ ماسەلەلەرى قاراستىرىلىپ وتىرادى. حاتشىلىق مۇشەلەرى كەلىسىپ، ءوزارا بىرلەسە جوسپار قۇرىپ وتىرادى. حاتشىلىق وتىرىسىندا ءدىنباسىلاردىڭ سەزىندە قارالاتىن ماسەلەلەر ماقۇلدانادى.

كۇن ءتارتىبى مەن ناقتى شارالار بەلگىلەنەدى. الەمدىك جانە ءداستۇرلى دىندەر كوشباسشىلارى سەزى ەلباسى نۇرسۇلتان نازاربايەۆتىڭ باستاماسىمەن 2003-جىلدان بەرى ءوتىپ كەلەدى. ءار ءۇش جىل سايىن قازاقستان استاناسى بەدەلدى ءدىن كوسەمدەرىنىڭ اشىق ديالوگ الاڭىنا اينالادى.

ءمادينا بەكتەنوۆا، ق ر پرەزيدەنتى جانىنداعى ق س ز ي جەتەكشى عىلىمي قىزمەتكەرى:

- الدا وتكەن 6 سەزدىڭ ناتيجەسىندە كورگەنىمىزدەي كوپتەگەن تاقىرىپتار ءدىننىڭ قوعامداعى ءرولى، الەمدەگى بەيبىتشىلىكتى ورناتۋداعى ورنى سياقتى تاقىرىپتار كوتەرىلگەن بولاتىن.

2003-جىلى 13 ەلدەن دەلەگاتتار كەلسە، 2018-جىلعى 6- سەزگە الەمنىڭ 43 ەلىنەن 86 دەلەگات كەلگەن.

مەملەكەتىمىز حالىقارالىق دارەجەدە مويىندالىپ، ونداعى باستامالار پايدالى ەكەنى مويىندالىپ جاتىر. كەلەر جيىننىڭ دا تالقىلايتىن ماسەلەلەرىنىڭ تامىرى تەرەڭ، وزەگى ماڭىزدى، كوتەرەر جۇگى اۋىر بولماق.

ۇلتارالىق جانە كونفەسسياارالىق تاتۋلىق پەن كەلىسىمدى قامتاماسىز ەتۋ تەتىكتەرى دە نازاردان تىس قالمايدى.

قازىرگى الەمدىك جاعدايلاردى ەسكەرە وتىرىپ، ءدىني جانە ساياسي كوشباسشىلاردىڭ ىنتىماقتاستىعىن كۇشەيتۋ، حالىقارالىق دەڭگەيدەگى داعدارىس جاعدايلارىن تالقىلاۋ مەن ەڭسەرۋ ماسەلەسى دە جان-جاقتى قاراستىرىلادى.

24.kz

سوڭعى جاڭالىقتار