08:59, 02 - شىلدە 2020 | GMT +6
2022-جىلعى ارنايى قىسقى وليمپيادا ويىندارى قازاندا وتەدى
قازان. قازاقپارات - 2022-جىلعى ارنايى قىسقى وليمپيادا ويىندارى قازاندا وتەتىن بولدى، دەپ حابارلايدى قازاقپارات ءتىلشىسى ق ر ۇلتتىق وليمپيادا كوميتەتىنە سىلتەمە جاساپ.
ويىندار اقىل-ەسى كەم سپورتشىلاردىڭ اراسىندا وتەدى. مۇنداي ارنايى وليمپيادا ويىندارى سوڭعى رەت اۆستريادا 2017-جىلى وتكەن بولاتىن.
«2022-جىلعى ويىندار ءبىزدىڭ ەلدە Special Olympics International ۇرانىمەن وتەتىن العاشقى حالىقارالىق شارا بولماق. ويىندار مىڭ جىلدىق تاريحى بار تاتارستان استاناسى - قازان قالاسىندا وتەدى. قازان كەيىنگى 10 جىلدىڭ ىشىندە ءىرى سپورتتىق شارالاردى: 2013-جىلعى بۇكىل الەمدىك جازعى ۋنيۆەرسيادانى، 2015-جىلعى سۋ سپورتى تۇرلەرى بويىنشا الەم چەمپيوناتىن، فۋتبولدان الەم چەمپيوناتىنىڭ ماتچتارىن وتكىزگەن بولاتىن»، - دەلىنگەن ۇيىمداستىرۋشىلاردىڭ حابارلاماسىندا.
ۇيىمداستىرۋشىلاردىڭ ايتۋىنشا، قىسقى ويىندارعا 108 مەملەكەتتىڭ ەكى مىڭعا جۋىق سپورتشىسى مەن يۋنيفايد-سەرىكتەس قاتىسادى.