07:11, 17 - ماۋسىم 2019 | GMT +6
مانەرلەپ سىرعاناۋدان 2022 -جىلى الەم چەمپيوناتى وتەتىن قالا انىقتالدى
نۇر- سۇلتان. قازاقپارات - حالىقارالىق كونكيمەن جۇگىرۋشىلەر وداعى (ISU) مانەرلەپ سىرعاناۋدان 2022 -جىلى الەم چەمپيوناتىن قابىلدايتىن قالانى انىقتادى، دەپ حابارلايدى Olympic.kz.
سونىمەن، الەمدىك دودانى فرانسيانىڭ مونپەلە قالاسى وتكىزەتىن بولدى. 15- ماۋسىمدا وتكەن ISU كەڭەسىندە وسىنداي شەشىم قابىلداندى. الەمدىك سىن 21-27 - ناۋرىز ارالىعىندا ۇيىمداستىرىلماق. سونداي- اق، مانەرلەپ سىرعاناۋدان وتەتىن ءىرى جارىستار كەستەسى دە انىقتالدى. 2021 -جىلعى ءتورت قۇرلىق چەمپيوناتى اۆستراليانىڭ سيدنەي قالاسىندا، 8-14 - اقپان ارالىعىندا وتەدى. 2022 -جىلدىڭ 3-6 - ناۋرىزى ارالىعىندا كونكيمەن جۇگىرۋدەن الەم چەمپيوناتىن نورۆەگيانىڭ حامار قالاسى قابىلدايدى. ال سول جىلى شورت- ترەكتەن الەم چەمپيوناتى كانادانىڭ مونرەال قالاسىندا، 18-20 - ناۋرىز ارالىعىندا وتكىزىلەدى.