00:12, 24 - مامىر 2018 | GMT +6
الەمدە 2022 - جىلى تولىقتاي سۋ بەتىندە ورنالاسقان مەملەكەت پايدا بولادى
استانا. قازاقپارات - الەمدەگى تابىستى ينۆەستورلاردىڭ ءبىرى بىرەگەي جوباعا قارجى سالماق، دەپ حابارلايدى life.ru سايتى.
امەريكالىق ينۆەستور ءارى بيزنەسمەن، Pay Pal تولەمدەر قىزمەتى قۇرۋشىلارىنىڭ ءبىرى پيتەر تيل تولىقتاي سۋ بەتىندە ورنالاساتىن مەملەكەتتى سالۋ ءۇشىن 50 ميلليون دوللار قارجىسىن بەرمەك. بيزنەسمەن بەلگىلى عالىم، ارحيتەكتورلارمەن جانە پولينەزيا بيلىگىنىڭ كومەگىمەن كىشىگىرىم مەملەكەت قۇرۋدى جوسپارلاپ وتىر. اتالعان مەملەكەتتە تۇرعىندار 300 ءىرى وبەكتىگە ورنالاستىرىلادى.
ۋورۆيك ۋنيۆەرسيتەتىنىڭ عالىمدارى وسىلايشا ءوزىنىڭ Vayron سيفرلىق ۆاليۋتاسى بار تاۋەلسىز مەملەكەت قۇرۋدى جوسپارلاپ وتىر. جوبانى جۇزەگە اسىرۋ ءۇشىن بارلىق زاماناۋي ماتەريالدار مەن ەنەرگيا ۇنەمدەيتىن تەحنولوگيالار قولدانىلادى. جالپى وبەكت 118 ارالدان قۇرالماق. ولاردىڭ ءارقايسىسىنىڭ قورشاۋلارى بولادى. كەشەن تايتي جاعالاۋىندا سالىنادى دەپ جوسپارلانىپ وتىر.
Baq.kz