10:27, 19 - شىلدە 2018 | GMT +6
ح و ك-ءتى بەيجىڭدە وتەتىن 2022-جىلعى وليمپيادا باعدارلاماسىنا تاعى 6 جاڭا سپورت ءتۇرىن قوستى
ماسكەۋ. قازاقپارات- حالىقارالىق وليمپيادا كوميتەتى 2022-جىلى بەيجىڭدە وتەتىن قىسقى وليمپيادا ويىندارىنىڭ تىزىمىنە تاعى 6 جاڭا سپورت ءتۇرىن قوسۋ جونىندە شەشىم قابىلدادى.
بۇل تۋرالى حالىقارالىق ۇيىمنىڭ باسپا ءسوز قىزمەتى حابارلادى دەپ جازادى ت ا س س اگەنتتىگى.
باعدارلاماعا بوبسلەيدەن ايەلدەر اراسىنداعى جەكە جارىستار، فريستايلدىڭ «بەگ-ەير» باعدارلاماسى بويىنشا ەرلەر جانە ايەلدەر اراسىنداعى جارىستار، فريستايلدان ارالاس كوماندالىق جارىستار (اكروباتيكا)، سنوۋبورد-كروستان ارالاس كوماندالىق جارىستار، ترامپليننەن شاڭعىمەن سەكىرۋدەن كوماندالىق تۋرنير جانە شورت-ترەكتەن ارالاس ەستافەتا سياقتى جارىستار ەنگىزىلدى.