بەيجىڭ-2022: «ءبىر كۇندە 3 التىن» نورۆەگيا جەكە دارا كوش باستادى

بەيجىڭ. قازاقپارات - قىتاي استاناسى بەيجىڭدە ءوتىپ جاتقان اق وليمپيادا ويىندارىندا بۇگىن نورۆەگيا قۇراماسى ءبىر كۇندە 3 التىن مەدال جەڭىپ الىپ، جەكە دارا كوش باستادى، دەپ حابارلايدى قازاقپارات ءتىلشىسى.

بۇگىن جالپى مەدالدار كەستەسىندە وزگەرىستەر كوپ بولدى. نورۆەگيا قۇراماسى ءبىر كۇندە ءۇش التىن، ەكى كۇمىسكە قول جەتكىزىپ، جۇلدە قورىن بايىتا ءتۇستى. ولاردىڭ ەنشىسىندە قازىر 12 التىن، 7 كۇمىس، 7 قولا (26) بار.

ەكىنشى ورىندا تۇرعان گەرمانيا قۇراماسى دا بۇگىن قورجىنىن تاعى ءبىر التىنمەن تولىقتىردى. ولاردىڭ ەنشىسىندە 9 التىن، 6 كۇمىس، 3 قولا (18) مەدال بار.

ال ۇزدىك ءۇشىنشى ورىندى 7 التىن، 6 كۇمىس، 4 قولا (17) مەدالمەن ا ق ش قۇراماسى تۇيىندەپ تۇر. بۇگىن ولاردىڭ قورجىنى تەك ءبىر قولا مەدالمەن تولىقتى.

مەدال كورسەتكىشىمەن ۇزدىك وندىقتا تۇرعان ەلدەر:

1. نورۆەگيا - 12 التىن، 7 كۇمىس، 7 قولا

2. گەرمانيا - 9 التىن، 6 كۇمىس، 3 قولا

3. ا ق ش - 7 التىن، 6 كۇمىس، 4 قولا

4. اۆستريا - 6 التىن، 6 كۇمىس، 4 قولا

5. نيدەرلاند - 6 التىن، 4 كۇمىس، 3 قولا

6. قىتاي - 6 التىن، 4 كۇمىس، 2 قولا

7. شۆەتسيا - 5 التىن، 3 كۇمىس، 3 قولا

8. شۆەيتساريا - 5 التىن، 0 كۇمىس، 5 قولا

9. رەسەي - 4 التىن، 7 كۇمىس، 9 قولا

10. فرانسيا - 3 التىن، 7 كۇمىس، 2 قولا

ايتا كەتەيىك، ءدال بۇگىنگە دەيىن وليمپيادا مەدالىنە قول جەتكىزگەن ەلدەر قاتارى 26 عا جەتتى. ونىڭ ىشىندە 21 مەملەكەتتىڭ قورجىنىندا التىن مەدال بولسا، 23 مەملەكەتتە كۇمىس جۇلدە بار. سونداي-اق، بەلگيا، لاتۆيا پولشا جانە ەستونيا ەلدەرىنىڭ قورجىندارىندا ءبىر-ءبىر قولا مەدالدان بار.

وكىنىشكە قاراي، قازاقستان قورجىنى ازىرگە بوس.

اۆتور: كۇنسۇلتان وتارباي