پرەزيدەنت ۇلىتاۋ وبلىسىن دامىتۋدىڭ 2022-2026 -جىلدارعا ارنالعان كەشەندى جوسپارىن ماقۇلدادى
17 تامىز 15:17

پرەزيدەنت ۇلىتاۋ وبلىسىن دامىتۋدىڭ 2022-2026 -جىلدارعا ارنالعان كەشەندى جوسپارىن ماقۇلدادى

نۇر- سۇلتان. قازاقپارات - وبلىس اكىمى پرەزيدەنتتىڭ ۇلىتاۋ وبلىسىنا جاساعان ساپارىنىڭ قورىتىندىلارى نەگىزىندە ازىرلەنگەن ايماقتى الەۋمەتتىك- ەكونوميكالىق دامىتۋدىڭ 2022-2026 -جىلدارعا ارنالعان كەشەندى جوسپارىنىڭ جوباسىن ۇسىندى، دەپ حابارلايدى قازاقپارات اقورداعا سىلتەمە جاساپ.

ۇلىتاۋ ءوڭىرىنىڭ ەكونوميكاسىن ءارتاراپتاندىرۋعا باعىتتالعان ماڭىزدى قۇجات 240 تان استام ءىس- شارانى قامتيدى. ولار الەۋمەتتىك جانە وندىرىستىك ينفراقۇرىلىمدى دامىتۋدى جانە وڭىردەگى ەڭ وزەكتى ماسەلەلەردى شەشۋدى كوزدەيدى.

قاسىم- جومارت توقايەۆقا تانىستىرىلعان كەشەندى جوسپاردا ينۆەستورلار تارتۋ، قاتتى كۇيىندە كەلەتىن پايدالى قازبالار ءوندىرىسىن كەڭەيتۋ مەن جاڭا كەن ورىندارىن يگەرۋ، گەولوگيالىق كلاستەر قۇرۋ مەن ونى دامىتۋ ماسەلەلەرى قاراستىرىلعان. بۇدان بولەك، جاڭادان ەت وڭدەيتىن كەشەن، قۇس فابريكاسى مەن جىلىجايلار سالۋ جوسپارلانعان.

كەلەسى جىلى جالعا جانە نەسيەگە بەرىلەتىن 132,8 مىڭ شارشى مەتر تۇرعىن ءۇي قۇرىلىسى، كوپسالالى اۋرۋحانانى جاڭعىرتۋ، ونكولوگيالىق ديسپانسەر مەن جەزقازعان قالاسىندا زاماناۋي «انا مەن بالا» ورتالىعىن اشۋ جۇمىستارى جۇرگىزىلىپ، ۇلىتاۋ اۋدانىندا اۋرۋحانا سالىنادى. سونىمەن قاتار ءاربىر اۋدان ورتالىعى مەن اۋىلداردا 26 مەديتسينا مەكەمەسى اشىلادى.

بەرىك ءابدىعالي ۇلى مادەني- اعارتۋ نىساندارىن جوندەۋ جانە قايتا قۇرۋ تۋرالى دا ايتتى. «جايلى مەكتەپ» ۇلتتىق پيلوتتىق جوباسى اياسىندا 11 ورتا مەكتەپ پەن 8 بالاباقشا سالۋ كوزدەلگەن.

مەملەكەت باسشىسىنا باياندالعان وزەكتى ماسەلەلەردىڭ تاعى ءبىرى - وبلىستى اۋىز سۋمەن جانە ساپالى جولدارمەن قامتاماسىز ەتۋ. قالالار مەن اۋىلداردى سۋمەن جابدىقتاۋ جۇمىستارى مەن سۋ بۇرۋ جۇيەلەرى قايتا جاڭعىرتىلادى. سونىمەن قاتار وبلىستىق ماڭىزى بار 289,5 شاقىرىم جولدى، اۋداندىق ماڭىزى بار 112,5 شاقىرىم جولدى جوندەۋ مەن قالپىنا كەلتىرۋ جوسپارلانعان. بەرىك ءابدىعالي ۇلىنىڭ ايتۋىنشا، اتالعان ءىس- شارالاردى جۇزەگە اسىرۋ بارىسىندا 10 مىڭنان استام جاڭا تۇراقتى جۇمىس ورنى اشىلادى.

قاسىم- جومارت توقايەۆ ۇلىتاۋ وبلىسىن دامىتۋدىڭ 2022-2026 -جىلدارعا ارنالعان كەشەندى جوسپارىن ماقۇلداپ، ءتيىستى مەملەكەتتىك ورگاندارمەن بىرلەسىپ ورىنداۋدى تاپسىردى.

جاڭالىقتار