بەيجىڭ-2022: نورۆەگيا قۇراماسى التىن مەدالدار سانىن 15 كە جەتكىزدى
نورۆەگيا قۇراماسى جالپى مەدالدار كەستەسىندە ەكىنشى ورىندا تۇرعان گەرمانيادان 5 التىن ارتىق الىپ، جەكە دارا كوش باستادى. بۇگىن نورۆەگيالىق بياتلونشى يوحاننەس بە قىتاي استاناسى بەيجىڭدەگى وليمپيادادا بياتلوننان ماسس-ستارت جارىسىندا تاعى دا توپ جارىپ، ءوز ەلىنە 15-التىندى سىيعا تارتتى.
ول وسىعان دەيىن تاعى ءۇش التىن جەڭىپ العان بولاتىن. ولاردىڭ ەنشىسىندە 15 التىن، 8 كۇمىس، 11 قولا (34) مەدال بار.
ەكىنشى ورىندا كەلە جاتقان گەرمانيا قۇراماسىنىڭ ەنشىسىندە 10 التىن، 7 كۇمىس، 5 قولا (22) مەدال بولسا، ۇزدىك ءۇشىنشى ورىندى تۇرعان ا ق ش- ءتىڭ قورجىنىندا 8 التىن، 8 كۇمىس، 5 قولا (21) مەدال بار.
مەدال كورسەتكىشىمەن ۇزدىك وندىقتا تۇرعان ەلدەر:
1. نورۆەگيا - 15 التىن، 8 كۇمىس، 11 قولا
2. گەرمانيا - 10 التىن، 7 كۇمىس، 5 قولا
3. ا ق ش - 8 التىن، 8 كۇمىس، 5 قولا
4. قىتاي - 8 التىن، 4 كۇمىس، 2 قولا
5. نيدەرلاند - 7 التىن، 5 كۇمىس، 4 قولا
6. شۆەتسيا - 7 التىن، 5 كۇمىس، 4 قولا
7. شۆەيتساريا - 7 التىن، 2 كۇمىس، 5 قولا
8. اۆستريا - 6 التىن، 7 كۇمىس، 4 قولا
9. رەسەي - 5 التىن، 9 كۇمىس، 13 قولا
10. فرانسيا - 5 التىن، 7 كۇمىس، 2 قولا
ايتا كەتەيىك، ءدال بۇگىنگە دەيىن وليمپيادا مەدالىنە قول جەتكىزگەن ەلدەر قاتارى 28 گە جەتتى. ونىڭ ىشىندە 21 مەملەكەتتىڭ قورجىنىندا التىن مەدال بولسا، 24 مەملەكەتتە كۇمىس جۇلدە بار. سونداي-اق، بەلگيا، لاتۆيا پولشا جانە ەستونيا ەلدەرىنىڭ قورجىندارىندا ءبىر-ءبىر قولا مەدالدان بار.
وكىنىشكە قاراي، قازاقستان قورجىنى ازىرگە بوس تۇر.
اۆتور: كۇنسۇلتان وتارباي