USD 434.24 EUR 492.69
RUB 5.67 CNY 68.46
جاڭالىقتار

«التىن تۇعىر-2021» ۇلتتىق سپورت ۇزدىكتەرىن ماراپاتتاۋ ءراسىمى وتپەك

26 قاراشا 21:44
:ءبولىسۋ

نۇر-سۇلتان. قازاقپارات - 2021-جىلدىڭ 30- قاراشاسىندا «قازمەديا» ورتالىعىنىڭ كونسەرتتىك زالىندا «التىن تۇعىر-2021» ۇلتتىق سپورت ۇزدىكتەرىن ماراپاتتاۋ ءراسىمى وتپەك.

ق ر ۇلتتىق سپورت قاۋىمداستىعى ۇيىمداستىرۋىمەن وتەتىن «التىن تۇعىر» ۇلتتىق سپورت سىيلىعىن تاپسىرۋ شاراسى بيىل سەگىزىنشى مارتە وتەدى.

"Алтын Тұғыр-2021" ұлттық спорт үздіктерін марапаттау рәсімі өтпек

ماراپاتتاۋ راسىمىندە 15 نوميناتسيا بويىنشا جەڭمپازدار انىقتالىپ، «التىن تۇعىر» سىيلىعى تابىس ەتىلەدى. سالتاناتتى شارادا كوكپار، اۋدارىسپاق، تەڭگە ءىلۋ، جامبى اتۋ، بايگە جانە قۇسبەگىلىك سپورتتارى بويىنشا جىل ۇزدىكتەرى، سونداي-اق، «ۇزدىك تورەشى»، «ۇزدىك جاتتىقتىرۋشى»، «ۇزدىك فەدەراتسيا»، «ۇزدىك جوبا» ەسىمدەرى اتالماق.

سونىمەن بىرگە، «التىن تۇعىر» اياسىندا ۇلتتىق سپورتقا ەلەۋلى ۇلەس قوسقان ازاماتتارعا «ەلىمجان» سىيلىعى تاپسىرىلىپ، ءداستۇرلى ويىندارىمىزدىڭ ناسيحاتىنا اتسالىسقان بۇقارالىق اقپارات قۇرالدارىنا ارنايى سىيلىق بەرىلەدى.

«التىن تۇعىر» ماقساتى - اتقا ءمىنۋ مادەنيەتىن وركەندەتۋگە، ات سپورتىن دامىتۋعا ەڭبەك سىڭىرگەن ازاماتتاردىڭ ەسىمدەرىن ارداقتاۋ. شاراعا مەملەكەت جانە قوعام قايراتكەرلەرى شاقىرىلعان. سالتاناتتى كەشتە ەلىمىزگە تانىمال ساحنا ساڭلاقتارى ونەر كورسەتەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات