ەلوردادا «سۇندەت-2021» اكسياسى ءوتىپ جاتىر - فوتو
سونداي- اق سوزىلمالى اۋرۋعا شالدىققان جانە تولىق ەمەس وتباسىلاردىڭ ۇل بالالارى ەرەكشە نازارعا الىندى. سۇندەتتەۋدى ۋرولوگ جانە ءوز ءىسىنىڭ شەبەرى، نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ جانە №2-كوپسالالى قالالىق بالالار اۋرۋحاناسىنىڭ جوعارى بىلىكتى ماماندارى جاسادى. تيمۋر مۇراتوۆ بالالاردىڭ جاعدايىن ءبىلىپ، ءبىراز سۇحباتتاستى.
«بۇل ءبىزدىڭ ەكىنشى ۇلىمىز، 3 جاستا. 10 كۇن بۇرىن بالامىزعا ءداستۇر تۋرالى كوپ ايتىپ، مورالدى تۇرعىدان دايىنداعانبىز، ناعىز جىگىت بولادى دەپ سەندىردىك. ۇيىمداستىرۋشىلار مەن ەمحانا باسشىلىعىنا العىس بىلدىرەمىز. جوعارى دەڭگەيدە ۇيىمداستىرىلعان ءىس- شارا، بارلىعى قاراستىرىلعان»، - دەدى سۇندەتكە وتىراتىن بالانىڭ اناسى لياززات ايتۋعانوۆا.
جىل سايىنعى اكسيانىڭ ماقساتى - كوپبالالى جانە تولىق ەمەس وتباسىلاردان شىققان مۇگەدەك جانە سوزىلمالى اۋرۋلارى بار بالالارعا الەۋمەتتىك كومەك كورسەتۋ . اكسيا اياسىندا بۇل مەديتسينالىق قىزمەت جىل سايىن اقىسىز تۇردە جۇزەگە اسىرىلادى. سۇندەتتەۋدى قالالىق №9-ەمحانادا حيرۋرگتار مەن ۋرولوگتار وتكىزدى. بۇل جەردە 2-5 وتا جاساۋ كابينەتتەرى ۇيىمداستىرىلعان.
