+7 (701) 759 90 19
-18 °С : نۇر-سۇلتان
1 °С : الماتى
USD 417.02 EUR 505.51
RUB 5.59 CNY 64.52
جاڭالىقتار

جاتىر موينى قاتەرلى ىسىگىنە قارسى ۆاكسينا ەلىمىزگە 2021 - جىلى كەلەدى

21 قاڭتار 19:26
:ءبولىسۋ
جاتىر موينى قاتەرلى ىسىگىنە قارسى ۆاكسينا ەلىمىزگە 2021 - جىلى كەلەدى

نۇر- سۇلتان. قازاقپارات - دۇنيەجۇزىلىك دەنساۋلىق ساقتاۋ ۇيىمى 2021 - جىلدى جاتىر موينى قاتەرلى ىسىگىمەن كۇرەس جىلى دەپ جاريالادى.

بۇل تۋرالى ق ر دەنساۋلىق ساقتاۋ مينيسترلىگىنىڭ باس ونكولوگ دارىگەرى، قازاق ۇلتتىق ونكولوگيا جانە راديولوگيا ينستيتۋتىنىڭ ديرەكتورى ديليارا قايداروۆا Instagram پاراقشاسىندا وتكەن تىكەلەي ەفيردە ايتتى، دەپ حابارلايدى قازاقپارات ءتىلشىسى.

«18 - قاڭتاردان باستاپ جاتىر موينى قاتەرلى ىسىگى تۋرالى دۇنيەجۇزىلىك اپتالىق باستالدى. 30-70 جاس ارالىعىنداعى ءاربىر ايەل جاتىر موينى قاتەرلى ىسىگىنىڭ پروفيلاكتيكاسى ءۇشىن ونكوگينەكولوگقا قارالۋى كەرەك. قازاقستاندا بۇل سكرينينگ تەگىن جاسالادى. نەگىزى جىلىنا ءبىر رەت بارلىق سكرينينگتەن ءوتىپ تۇرعان دۇرىس. سكرينينگ جاساتقان كەزدە جاتىر موينى ەروزياسى، ديسپلازيا سياقتى اۋرۋ تۇرلەرى انىقتالۋى مۇمكىن. مۇنىڭ ءبارى قاتەرلى ىسىككە دەيىن بولاتىن جاعداي»، - دەيدى ق ر دەنساۋلىق ساقتاۋ مينيسترلىگىنىڭ باس ونكولوگ دارىگەرى ديليارا قايداروۆا.

سونداي- اق، ول دۇنيەجۇزىلىك دەنساۋلىق ساقتاۋ ۇيىمى 2021 - جىلدى جاتىر موينى قاتەرلى ىسىگىمەن كۇرەس جىلى دەپ جاريالاعانىن ايتتى.

«جاتىر موينى قاتەرلى ىسىگىمەن كۇرەسۋ سكرينينگتەن وتۋمەن عانا شەكتەلمەيدى، بۇل دەرتكە قاتىستى ۆاكسينا ەگۋ كەرەك. ءبىز ۆاكسينا جەتكىزۋشىلەرمەن سويلەستىك. وكىنىشكە قاراي، ۆاكسينا الۋعا كەزەكتە تۇرعان مەملەكەتتەر كوپ. قازاقستان دا كەزەكتە تۇرعاندار قاتارىندا. ۆاكسينا ەلىمىزگە 2021 - جىلى كەلۋى مۇمكىن. ازىرگە ۆاكسينا بولماعاندىقتان، تۇراقتى تۇردە گينەكولوگقا بارىپ قارالىپ تۇرۋ كەرەك»، - دەيدى ول.

اۆتور: زارينا قاھارمان


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات