+7 (701) 759 90 19
-18 °С : نۇر-سۇلتان
1 °С : الماتى
USD 419.66 EUR 500.44
RUB 5.62 CNY 64.73
جاڭالىقتار

قازاقستاندا 2021 -جىلعى ۇلتتىق ءبىرىڭعاي تەستىلەۋ باستالدى

20 قاڭتار 11:43
:ءبولىسۋ
قازاقستاندا 2021 -جىلعى ۇلتتىق ءبىرىڭعاي تەستىلەۋ باستالدى

نۇر- سۇلتان. قازاقپارات - بۇگىن ەلىمىزدىڭ بارلىق وڭىرىندە ۇلتتىق ءبىرىڭعاي تەستىلەۋ باستالىپ، اقپاننىڭ 5 ىنە دەيىن جالعاسادى.

رەسپۋبليكا بويىنشا بارلىعى 143 تەستىلەۋ وتكىزۋ پۋنكتىندە 1230 اۋديتوريا جۇمىس ىستەيدى، دەپ حابارلايدى ق ر ءبىلىم جانە عىلىم مينيسترلىگىنىڭ باسپا ءسوز قىزمەتى.

قاڭتار ايىنداعى ۇبت كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ كەلىسىمىمەن ءوتىپ، كارانتينگە بايلانىستى تۇلەكتەر تەستىلەۋدى 15 لەك بويىنشا تاپسىرادى. ۇ ب ت- نى 120 مىڭنان استام ادام تاپسىرادى دەپ جوسپارلانىپ وتىر. ولار - 11 (12) سىنىپ وقۋشىلارى، وتكەن جىلى ۇ ب ت ناتيجەلەرى جويىلعان تالاپكەرلەر جانە شىعارماشىلىق ءبىلىم بەرۋ باعدارلامالارى بويىنشا باسقاسىنا اۋىسقىسى كەلەتىن ستۋدەنتتەر قاتىسادى. تەستىلەۋ 5 ءپان بويىنشا وتەدى: 3 مىندەتتى جانە تاڭداعان ماماندىعىنا بايلانىستى 2 بەيىندى ءپان. ۇب ت قاتىسۋشىلارىنا بارلىعى 120 تەست تاپسىرماسى بەرىلەدى، ونىڭ ىشىندە قازاقستان تاريحى بويىنشا 15 سۇراق، ماتەماتيكالىق ساۋاتتىلىق بويىنشا 15 سۇراق، وقۋ ساۋاتتىلىعى بويىنشا 20 سۇراق جانە بەيىندى پاندەر بويىنشا 35 تاپسىرمادان بولادى. تەستىلەۋ تاپسىرۋعا 4 ساعات (240 مينۋت) بەرىلەدى.

ۇ ب ت- عا قاتىسۋشىلار بارلىعى 140 بالل جيناي الادى. وڭىرلەردە ۇ ب ت وتكىزۋ ەرەجەلەرىنىڭ ساقتالۋىن جوعارى وقۋ ورىندارىنىڭ قىزمەتكەرلەرى مەن ۇلتتىق تەستىلەۋ ورتالىعىنىڭ وكىلدەرى باقىلايتىن بولادى. سونداي- اق وڭىرلەردەگى تەستىلەۋ بارىسىن ءبىلىم بەرۋ سالاسىنداعى ساپانى قامتاماسىز ەتۋ دەپارتامەنتتەرىنىڭ قىزمەتكەرلەرى قاداعالايتىن بولادى. تەستىلەۋ ءۇردىسىن ارنايى مونيتورينگتىك توپتىڭ جانە «ادالدىق الاڭى» جوبالىق كەڭسەسىنىڭ 403 وكىلى باقىلاۋدا ۇستايدى.

كوروناۆيرۋستىق ينفەكتسيانىڭ تارالۋ قاۋپىن ازايتۋ ماقساتىندا ۇ ب ت وتكىزۋ كەزىندە سانيتارلىق- ەپيدەميولوگيالىق نورمالار مەن الەۋمەتتىك اراقاشىقتىق قاتاڭ ساقتالاتىن بولادى. تەستىلەۋ بارىسىندا قاتىسۋشىلار اراسىندا كەمىندە 2 مەتر قاشىقتىق قامتاماسىز ەتىلىپ، اۋديتوريالارداعى ادامداردىڭ سانى %50 عا قىسقارتىلدى. ۇ ب ت باستالار الدىندا اۋديتوريالار باكتەريتسيدتى شامدارمەن زارارسىزداندىرىلاتىن بولادى. سونىمەن قاتار سانيتارلىق نورمالارعا سايكەس اتا- انالار مەن مۇعالىمدەرگە ۇ ب ت وتكىزۋ پۋنكتىنىڭ اۋماعىندا بولۋعا تىيىم سالىنادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات