الەكسەي سوي ەپيداحۋال بويىنشا 2021 -جىلدىڭ سوڭىنا دەيىنگى بولجامدى جاريا ەتتى
«دەنساۋلىق ساقتاۋ مينيسترلىگىنىڭ بولجاۋ جونىندەگى جۇمىس توبى 2021 -جىلدىڭ سوڭىنا دەيىن شەكتەۋ شارالارى كۇشىندە بولعانداعى ەپيدجاعدايدىڭ دامۋىنا بولجام جاسادى. ىندەتتى جۇقتىرۋ دەڭگەيى وسى جىلدىڭ ناۋرىز ايىنىڭ سوڭىندا كوپ تىركەلۋى مۇمكىن. وپتيميستىك سەناري بويىنشا تاۋلىگىنە 3 مىڭ جاعدايعا دەيىن كۇتىلۋدە، ال توسەك قورىنىڭ بارىنشا قامتىلۋى 24 مىڭعا دەيىن جەتۋى مۇمكىن. دەگەنمەن، اتالعان ستسەناريي كەزىندە قاتاڭ كارانتين تالاپتارىن ەنگىزۋ جوسپارلانىپ وتىرعان جوق»، - دەدى الەكسەي سوي ۇكىمەت وتىرىسىندا.
مينيستر سونىمەن قاتار رەاليستىك جانە پەسسيميستىك سەناري بويىنشا كۇن سايىن 6 جانە 9 مىڭ ادام ىندەت جۇقتىرۋى مۇمكىن ەكەنىن ايتادى. ال توسەك قورىنىڭ قامتىلۋى 45 مىڭعا دەيىن جەتەدى. ياعني ك ۆ ي- مەن اۋىراتىن ناۋقاستارعا قولجەتىمدى 52 مىڭ توسەكتەن اسپايدى، ءبىراق دەنساۋلىق ساقتاۋ جۇيەسىنە شامادان تىس جۇكتەمە تۇسىرمەي، ساپالى مەديتسينالىق قىزمەتتى قامتاماسىز ەتۋ ءۇشىن قاتاڭ كارانتين تالاپتارىن ەنگىزۋ قاجەت بولادى.
«ءبىرىنشى كەزەڭدە 2 ميلليون ادامدى ۆاكسينالاۋ ەپيدەميانىڭ دامۋىنا وڭ اسەر ەتەدى. ءبىزدىڭ ەسەپتەۋىمىزشە، 2 ميلليون ادامدى ۆاكسينالاۋ تىركەلگەن جاعدايلاردىڭ سانىن 40 مىڭعا ازايتادى. تيىسىنشە، ۆاكسينامەن قامتۋ نەعۇرلىم جوعارى بولسا، ك ۆ ي- مەن سىرقاتتانۋشىلىق پەن ءولىم- ءجىتىم ازايادى، شەكتەۋ شارالارى مەن لوكداۋنسىز ومىرگە ورالۋ ىقتيمالدىعى ارتادى. پاندەميانىڭ دامۋىنىڭ وسى كەزەڭىندە بۇكىل الەم ءوزىن- ءوزى وقشاۋلاۋ مەن كارانتينگە جالعىز بالاما - ۆاكسينالاۋ ەكەنىن ءتۇسىندى»، - دەدى مينيستر.