نۇر-سۇلتان اكىمى: 2021-جىلى ازاماتتاردى اپتا سايىن قابىلدايمىز

None
None
نۇر-سۇلتان. قازاقپارات - نۇر-سۇلتان اكىمدىگىنىڭ وكىلدەرى ازاماتتاردى جەكە سۇراقتارىمەن اپتا سايىن قابىلدايتىن بولادى.

بۇل تۋرالى ەلوردا اكىمى التاي كولگىنوۆ Instagram-پاراقشاسىندا جازدى، دەپ حابارلايدى قازاقپارات.

«2021-جىلى ازاماتتاردى اپتا سايىن قابىلدايتىن بولامىز. بۇگىن 10 نان استام تۇرعىندى ونلاين قابىلدادىم. پرەزيدەنت VII شاقىرىلىمداعى پارلامەنتتىڭ العاشقى سەسسياسىندا سويلەگەن سوزىندە مەملەكەت ءوز جۇمىسىندا الەۋمەتتىك ءالسىز توپتاردى قولداۋعا باسىمدىق بەرۋى كەرەكتىگىن، «اتاۋلى مەملەكەتتىك كومەك پەن ونى الۋ شارتتارى كۇشەيتىلۋى تيىستىگىن» ايتتى. ازاماتتاردى قابىلداۋ - كوبىرەك ادامدى الەۋمەتتىك كومەكپەن قامتۋعا، ماسەلەلەردى جۇيەلى تۇردە شەشۋگە مۇمكىندىك بەرەدى»، - دەدى ەلوردا باسشىسى.

ا. كولگىنوۆتىڭ ايتۋىنشا، قالا تۇرعىندارى كوبىنە تۇرعىن ءۇي جانە الەۋمەتتىك كومەككە قاتىستى جۇگىنەدى.

«وتكەن جىلدىڭ كۇزىندە تۇرعىن ءۇي سالاسىندا قىزمەت كورسەتەتىن ءبىرىڭعاي ورتالىق وسى سەبەپتى اشىلدى (رەسپۋبليكا داڭعىلى، 32). وندا -تۇرعىن ءۇي كەزەگىنىڭ ءنومىرى، كەزەككە تۇرۋ ءتارتىبى، ءتۇرلى تۇرعىن ءۇي باعدارلامالارىنا قاتىسۋ جولدارى جانە سول سياقتى وزگە دە اقپارات الۋعا بولادى. الەۋمەتتىك ماسەلەلەر بويىنشا كومەك كورسەتۋگە «جانۇيا» وتباسى ينستيتۋتىن قولداۋ ورتالىعى (بەيبىتشىلىك كوشەسى، 14) بار.

وندا «ءبىر تەرەزە» قاعيداتى بويىنشا قالا تۇرعىندارىنا 70 تەن استام مەملەكەتتىك قىزمەت كورسەتىلەدى. اشىلعان ساتتەن باستاپ (2019-جىلعى تامىز ايى) - 41,5 مىڭنان استام ادام جۇگىنىپ، وزدەرىن تولعاندىرعان ماسەلەلەرگە قاتىستى كەڭەس الدى. وسىلايشا، قابىلداۋعا كەلگەن ازاماتتاردىڭ ءبىر بولىگىنىڭ ماسەلەلەرىن شەشۋ - باسقا ساناتتاعى قالا تۇرعىندارىنىڭ دا ماسەلەلەرىن شەشۋگە مۇمكىندىك بەردى»، - دەپ جازدى نۇر-سۇلتان قالاسىنىڭ اكىمى.

سوڭعى جاڭالىقتار