+7 (701) 759 90 19
-8 °С : نۇر-سۇلتان
-2 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

ءبىلىم ءمينيسترى 2021 - جىلدان باستاپ ديپلومدار قالاي بەرىلەتىنىن ءتۇسىندىردى

14 قاڭتار 16:50
:ءبولىسۋ
ءبىلىم ءمينيسترى 2021 - جىلدان باستاپ ديپلومدار قالاي بەرىلەتىنىن ءتۇسىندىردى

نۇر- سۇلتان. قازاقپارات - ءبىلىم بەرۋ ماسەلەلەرى جونىندەگى زاڭناماعا ەنگىزىلگەن جاڭا تۇزەتۋلەر جوعارى جانە جوعارى وقۋ ورنىنان كەيىنگى ءبىلىم دەڭگەيىن دە قامتىدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.

«ەندى جوعارى وقۋ ورىندارىندا وقۋ جەتىستىكتەرىن سىرتتاي باعالاۋ پروتسەدۋراسى جۇرگىزىلمەيدى. جوعارى وقۋ ورىندارىنا اكادەميالىق ەركىندىك بەرىلگەن. ءار ج و و وقۋ باعدارلامالارىن ءوز بەتىنشە ازىرلەيدى. سوندىقتان مۇنداي باعالاۋ ءتۇرىن جۇرگىزۋدىڭ قاجەتى جوق»، - دەپ ءتۇسىندىردى مينيستر الەۋمەتتىك جەلىدەگى پاراقشاسىندا.

ونىڭ ايتۋىنشا، ءبىلىم العانىن راستايتىن وزىندىك ۇلگىدەگى قۇجاتتاردىڭ مازمۇنىنا، ولاردى ەسەپكە الۋ جانە بەرۋ تارتىبىنە قويىلاتىن تالاپتار دا زاڭ نەگىزىندە ايقىندالدى.

«2021 -جىلدان باستاپ ءاربىر جوعارى وقۋ ورنى ءبىلىم العان ازاماتتارعا جەكە ۇلگىسى بويىنشا ديپلوم بەرەتىن بولادى. ياعني، ەندى ءار جوعارى وقۋ ورنىندا بەرىلەتىن ديپلومداردىڭ بارلىعى بىركەلكى بولمايدى. ءار وقۋ ورنى جەكە برەندكە اينالىپ، ستۋدەنتتەر وقۋ ورىندارىن ءبىلىم بەرۋ ساپاسىنا قاراي تاڭدايتىن بولادى. بۇدان بىلاي مەملەكەتتىك ۇلگىدەگى ديپلومدار بەرىلمەيدى»، - دەدى ا. ايماعامبەتوۆ.

«سوندىقتان زاڭسىز نەمەسە جالعان قۇجات اينالىمىنا جول بەرمەۋ ماقساتىندا ءتيىستى شارالار قابىلداندى. ماسەلەن، ءبىلىم بەرىلگەنىن راستايتىن قۇجاتتى ەسەپكە الۋ جانە سەريالىق نومىرلەرى بويىنشا ءبىر جۇيەگە كەلتىرۋ ءۇشىن ديپلومداردىڭ مازمۇنىنا قاتىستى ءبىرىڭعاي مينيمالدى تالاپتار قاراستىرىلعان. ب ع م- ءنىڭ اقپاراتتىق جۇيەسىندە بەرىلگەن ديپلومداردىڭ دەپوزيتاريى، رەكۆيزيتتەرى بولادى، سونداي- اق بولون پروتسەسىنىڭ تالاپتارىنا ساي Diploma Supllement بەرۋ قاراستىرىلادى»، - دەپ ناقتىلادى ۆەدومستۆو باسشىسى.

اۆتور: رۋسلان عابباسوۆ


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات