ەڭبەك مينيسترلىگى 2021 -جىلى سۇرانىستا بولاتىن ماماندىقتاردى اتادى

None
None
نۇر-سۇلتان. قازاقپارات - ەڭبەك جانە حالىقتى الەۋمەتتىك قورعاۋ مينيسترلىگى 2021 -جىلى قازاقستاندا قانداي ماماندىقتار سۇرانىسقا يە بولاتىنىن ايتتى.


مينيسترلىك توپ ماماندىقتار ءتىزىمىن 2021 -جىلى ەكونوميكا مەن بيزنەستىڭ قالپىنا كەلۋىن ەسكەرە وتىرىپ جاساعان. وسىلايشا، قازاقستاندا ەڭ سۇرانىسقا يە بولۋى مۇمكىن ماماندىقتار:

شاشتارازدار؛

كۇزەتشىلەر، ينكاسساتورلار جانە سوعان ۇقساس ماماندىقتار؛

بۋحالتەرلەر؛

مەكتەپكە دەيىنگى ءبىلىم بەرۋدەگى تاربيەشىلەر؛

قوعامدىق عىلىمدار بويىنشا ورتا مەكتەپ مۇعالىمدەرى؛

جاراتىلىستانۋ عىلىمدارى بويىنشا ورتا مەكتەپ مۇعالىمدەرى؛

ناۋقاستاردى كۇتۋ جونىندەگى ورتا مەديتسينالىق پەرسونال؛

جىلجىمايتىن مۇلىكپەن جانە باسقا مەنشىكپەن وپەراتسيالار جونىندەگى اگەنتتەر؛

دۇكەن ساتۋشىلارى جانە ولاردىڭ كومەكشىلەرى؛

اۋىل شارۋاشىلىعى ونىمدەرىن وندىرۋدەگى بىلىكتىگى جوق جۇمىسشىلار؛

باستاۋىش مەكتەپ مۇعالىمدەرى؛

ورتا مەكتەپ مۇعالىمدەرى؛

ا ب ق قوسالقى كاسىبي پەرسونالى؛

ارالاس وسىمدىك جانە مال شارۋاشىلىعى ونىمدەرىن وندىرەتىن فەرمەرلەر مەن جۇمىسشىلار؛

اسپازشىلار (اسپازشىلاردى قوسا)؛

تراكتورشىلار؛

قۇجات اينالىمى جانە باسقا دا كەڭسە جۇمىستارى بويىنشا سۋپەرۆايزەرلەر؛

باسقا بىلىكتىگى جوق جۇمىسشىلار؛

عيمارات قاراۋىلدارى مەن كۇزەتشىلەرى؛

جۇك كولىگىنىڭ جۇرگىزۋشىلەرى؛

دالا جانە كوكونىس وسىرۋشىلەر؛

كوشەلەر مەن بازارلارداعى ساۋداگەرلەر؛

ماتەماتيكا عىلىمدارى بويىنشا ورتا مەكتەپ مۇعالىمدەرى؛

سانتەحنيكتەر؛

جەكە تۇلعالاردىڭ ءومىرى مەن دەنساۋلىعىن قورعاۋدى جۇزەگە اسىراتىن كۇزەتشىلەر؛

ەسەپشىلەر مەن بۋحالتەرلەردىڭ كومەكشىلەرى؛

فەرمەرلەر مەن مال وسىرەتىن جۇمىسشىلار؛

سپورت جاتتىقتىرۋشىلارى مەن وقىتۋشىلار؛

فەرمەرلەر جانە ەگىستىك داقىلدارىن ءوسىرۋ جونىندەگى جۇمىسشىلار؛

تەراپيا سالاسىنداعى دارىگەرلەر.

بۇعان دەيىن قازاقستان پرەزيدەنتى قاسىم-جومارت توقايەۆ ءبىرقاتار كاسىپتىڭ جويىلىپ بارا جاتقانىن بولجاعان بولاتىن. ولار بانكير، جەتكىزۋشى جانە جۇرگىزۋشى. بۇل جاساندى ينتەللەكت پەن روبوتتاندىرۋدىڭ دامۋىنا بايلانىستى.

Tengrinews.kz


سوڭعى جاڭالىقتار