2021 -جىلى ساياحاتتاۋعا ەڭ قاۋىپتى جانە قاۋىپسىز ەلدەر انىقتالدى
ساراپشىلار ولار جاساعان كارتا ادامدارعا 2021 -جىلى ساياحاتتارىن جوسپارلاۋعا كومەكتەسەدى ەسەپتەيدى.
بۇل كارتادا قاي ەلدە ساياسي زورلىق- زومبىلىق، الەۋمەتتىك تولقۋلار، قىلمىس، سونداي- اق قازىرگى پاندەميانىڭ زارداپتارى قانشالىقتى دارەجەدە ەكەنى كورسەتىلگەن.
2021 -جىلى ساياحاتتاۋعا قاۋىپتى ەلدەر: ليۆيا، سيريا، اۋعانستان، يراك جانە ورتالىق افريكا رەسپۋبليكاسى. ال قاۋىپسىز ەلدەر: گرەنلانديا، شۆەيتساريا، سلوۆەنيا، نورۆەگيا، فينليانديا، دانيا جانە انگليا.
ايتا كەتۋ كەرەك، قازاقستان جالپى قاۋىپتىلىك دەڭگەيى ورتاشا ەل رەتىندە كورسەتىلگەن.
جىل سايىنعى ينتەراكتيۆ كارتا ساياحاتشىلاردىڭ ساياسي زورلىق- زومبىلىق، الەۋمەتتىك تولقۋلار جانە ۇساق قۇقىق بۇزۋشىلىقتار قاۋپىنە بايلانىستى قاۋىپ- قاتەرلەرگە كەزىككەن جەرلەرىن كورسەتەدى، ال 2020 -جىلدىڭ باستى ەرەكشەلىگى - كوروناۆيرۋس پاندەمياسى.
كارتادا كوروناۆيرۋس قاۋپى از ەلدەر رەتىندە جاڭا زەلانديا، تانزانيا جانە نيكاراگۋا كورسەتىلگەن.
ال گرۋزيا پاندەميادان قاتتى زارداپ شەككەن جالعىز ەل رەتىندە اتالعان. كوروناۆيرۋس قاۋپى «ورتاشا» دەپ بەلگىلەنگەن ايماقتارعا قازاقستان، پولشا، ا ق ش، برازيليا كىرەدى.
باعالاۋ كەزىندە «دەنساۋلىق پەن قاۋىپسىزدىككە قاتىستى ۇلكەن قاۋىپ- قاتەرلەر، COVID-19-دىڭ بەلسەندىلىگى، ساياحاتقا قاتىستى جەرگىلىكتى شەكتەۋلەر» ەسكەرىلگەن.
تاعى ءبىر كارتادا 2021 -جىلعى الەم ەلدەرىندەگى مەديتسينالىق پروبلەمالاردىڭ نەمەسە اۋرۋلاردىڭ قاۋپى كورسەتىلگەن.
كارتاعا سايكەس مەديتسيناسى ناشار ەلدەر رەتىندە ۆەنەسۋەلا، سولتۇستىك كورەيا، ليۆيا، وڭتۇستىك سۋدان جانە يەمەن كورسەتىلگەن. مەديتسيناسى دامىعان ەل رەتىندە ەۋروپا ەلدەرى، كانادا، ا ق ش، جاڭا زەلانديا، اۋستراليا، وڭتۇستىك كورەيا جانە جاپونيا اتالعان.
بۇل كارتادا قازاقستان، رەسەي، قىتاي، ءۇندىستان مەديتسيناسى ناشار ەلدەر رەتىندە كورسەتىلگەن.
massaget.kz