USD 434.24 EUR 492.69
RUB 5.67 CNY 68.46
جاڭالىقتار

ءبىلىم سالاسىن باسقارۋ جۇيەسى 2021 -جىلدىڭ قاڭتارىنان باستاپ وزگەرەدى

6 قازان 16:55
:ءبولىسۋ
ءبىلىم سالاسىن باسقارۋ جۇيەسى 2021 -جىلدىڭ قاڭتارىنان باستاپ وزگەرەدى

نۇر-سۇلتان. قازاقپارات - 2021 -جىلدىڭ قاڭتاردان باستاپ ءبىلىم سالاسىن باسقارۋ جۇيەسى وزگەرەدى.

بۇل تۋرالى ق ر ءبىلىم جانە عىلىم ۆيتسە-ءمينيسترى بيبىگۇل اسىلوۆا ايتتى، دەپ حابارلايدى قازاقپارات ءتىلشىسى.

«وزدەرىڭىزگە بەلگىلى، 2021 -جىلدىڭ قاڭتاردان باستاپ ءبىلىم سالاسىن باسقارۋ جۇيەسى وزگەرەتىن بولادى. اۋداندىق جانە قالالىق ءبىلىم بەرۋ بولىمدەرىن باسقارۋ قىزمەتى وبلىستىق باسقارمالارعا بەرىلەدى. ول ءۇشىن «بيۋدجەت» كودەكسىنە، «ءبىلىم تۋرالى» جانە «جەرگىلىكتى مەملەكەتتىك باسقارۋ تۋرالى» زاڭدارعا 27 وزگەرىس ەنگىزىلدى. زاڭعا سايكەس ءبىلىم بولىمدەرىنىڭ مارتەبەسى ساقتالادى. ءبىراق، ولار ءبىلىم باسقارمالارىنا قاراستى بولادى جانە وعان ەسەپ بەرەدى. كوپ جاعدايدا ءبىلىم ساپاسى ونىڭ مەنەدجمەنتىنە، قارجىلاندىرىلۋىنا جۇمىلدىرىلعان بارلىق پروتسەستەردىڭ ءتيىمدى ءوزارا ءىس- قيمىلىنا بايلانىستى. اۋداندىق، قالالىق جانە وبلىستىق ءبىلىم باسقارمالارى ءوزارا ءىس- قيمىلىنىڭ بۇگىنگى پروتسەسى قوعام تاراپىنان ءادىل سىنعا ۇشىراپ وتىر»، - دەدى بيبىگۇل اسىلوۆا ۆەدومستۆونىڭ اپپارات جينالىسىندا.

ونىڭ اتاپ وتۋىنشە، 2019 -جىلى ءبىلىم جانە عىلىم مينيسترلىگى مەملەكەت باسشىسىنىڭ تاپسىرماسىمەن ءوزارا ءىس-قيمىلدىڭ تيىمدىلىگىن ارتتىرۋ بويىنشا نورماتيۆتىك ينستيتۋتسيونالدى جانە ۇيىمداستىرۋ شارالارىن قابىلدادى.

«كەلەسى جىلدىڭ باسىنان باستاپ قالالىق جانە اۋداندىق ءبىلىم بولىمدەرىن قارجىلاندىرۋدى باسقارۋ وبلىستىق دەڭگەيگە كوشەدى. بۇل شارالار وبلىستىق دەڭگەيدەگى جەرگىلىكتى اتقارۋشى ورگانداردىڭ جەرگىلىكتى جەرلەردەگى ءبىلىم بەرۋ ۇيىمدارىنىڭ پروبلەمالى ماسەلەلەرىنە قارىم- قاتىناسىن ايتارلىقتاي وزگەرتەدى»، - دەدى ول.

اۆتور: مارلان جيەمباي



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات