+7 (701) 759 90 19
28 °С : نۇر-سۇلتان
24 °С : الماتى
USD 427.15 EUR 519.12
RUB 5.96 CNY 66.84
جاڭالىقتار

انا مەن بالانى قولداۋعا 2021-جىلى 756 ميلليارد تەڭگە قاراستىرىلعان - ەڭبەك ءمينيسترى

10 ماۋسىم 19:32
:ءبولىسۋ
انا مەن بالانى قولداۋعا 2021-جىلى 756 ميلليارد تەڭگە قاراستىرىلعان - ەڭبەك ءمينيسترى

نۇر-سۇلتان. قازاقپارات - 2021-جىلى انا مەن بالانى قولداۋعا 756 ميلليارد تەڭگە قاراستىرىلعان.

بۇل تۋرالى حالىققا ەسەپ بەرۋ كەزدەسۋىندە ق ر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ ايتىپ بەردى، دەپ حابارلايدى قازاقپارات.

ونىڭ ايتۋىنشا، انا مەن بالانى قولداۋ الەۋمەتتىك كومەك پەن الەۋمەتتىك ساقتاندىرۋدىڭ كوپدەڭگەيلى جۇيەسى ارقىلى قامتاماسىز ەتىلەدى. جىل باسىنان باستاپ بالالى وتباسىلارعا بەرىلەتىن بارلىق مەملەكەتتىك الەۋمەتتىك جاردەماقىلار %5 عا ارتتىرىلدى.

«رەسپۋبليكالىق بيۋجەت قاراجاتى ەسەبىنەن مەملەكەتتىك جاردەماقىلاردىڭ مىناداي تۇرلەرى كوزدەلگەن: بالا تۋعاندا بەرىلەتىن ءبىرجولعى جاردەماقى، 1 جاسقا دەيىنگى بالا كۇتىمى بويىنشا اي سايىنعى جاردەماقى، «التىن القا»، «كۇمىس القا» القالارىمەن ماراپاتتالعان نەمەسە بۇرىن «باتىر انا» اتاعىن العان، I جانە II دارەجەلى «انا داڭقى» وردەندەرىمەن ماراپاتتالعان كوپبالالى انالارعا بەرىلەتىن اي سايىنعى جاردەماقى، كوپبالالى وتباسىلارعا بەرىلەتىن جاردەماقى جانە كامەلەتتىك جاسقا تولعانشا مۇگەدەكتىگى بار بالانىڭ، 18 جاستان اسقان بالا كەزىنەن ءبىرىنشى توپتاعى مۇگەدەكتىگى بار ادامنىڭ كۇتىمى بويىنشا جاردەماقى»، - دەپ اتاپ ءوتتى ەڭبەك ءمينيسترى.

سونىمەن قاتار، جۇمىس ىستەيتىن ايەلدەر ءۇشىن مەملەكەتتىك الەۋمەتتىك ساقتاندىرۋ قورىنان الەۋمەتتىك تولەمدەر بەرۋ كوزدەلگەن. جۇكتىلىككە جانە بوسانۋعا بايلانىستى الەۋمەتتىك تولەمنىڭ ورتاشا مولشەرى 541,3 مىڭ تەڭگەنى، ال ءبىر جاسقا دەيىنگى بالا كۇتىمى بويىنشا اي سايىنعى تولەم - 32 مىڭ تەڭگەگە جەتتى.

«زەينەتاقى تاعايىنداۋ كەزىندە ايەلدەردىڭ الەۋمەتتىك قورعالۋىن ارتتىرۋ ءۇشىن 3 جاسقا دەيىنگى بالا كۇتىمى كەزەڭى ەڭبەك وتىلىنە ەسەپتەلەدى. سونىمەن بىرگە، ايەلدەرگە 1 جاسقا دەيىنگى بالا كۇتىمى بويىنشا دەمالىس كەزەڭىندە مىندەتتى زەينەتاقى جارنالارى سۋبسيديالانادى. بىلتىر انا مەن بالانى قولداۋعا 635 ميلليارد تەڭگەدەن استام قاراجات جۇمسالدى. بيىل ونىڭ كولەمى 756 ميلليارد تەڭگەگە كوزدەلگەن، بۇل وتكەن جىلعى كولەمنەن %19 عا ارتىق»، - دەيدى سەرىك شاپكەنوۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات