قىتايدىڭ جالپى ىشكى ءونىمىنىڭ ءوسىمى 2021-جىلى 6 پايىزدان اسادى
بۇل تۋرالى «قازاقپارات» ح ا ا مەنشىكتى ءتىلشىسى جازادى.
«اعىمداعى جىلى الەۋمەتتىك-ەكونوميكالىق دامۋدىڭ مىناداي نەگىزگى كورسەتكىشتەرى بەلگىلەندى: ج ءى ءو ءوسىمى 6 پايىزدان استامدى قۇرايدى»، - دەلىنگەن باياندامادا.
جۇمىسسىزدىق دەڭگەيى 5,5 پايىز دەڭگەيىندە بولادى، 11 ميلليوننان استام جاڭا جۇمىس ورىندارىن قۇرۋ جوسپارلانۋدا. تۇتىنۋ باعالارىنىڭ ءوسۋى شامامەن 3 پايىز دەڭگەيىندە بولجانادى. قىتاي ۇكىمەتى جۇمىسىنىڭ ەكپىنى ەلدەگى ەكولوگيالىق جاعدايدى جاقسارتۋعا باعىتتالادى، جوسپاردا ج ءى ءو- ءنىڭ ەنەرگيا سىيىمدىلىعىن 3 پايىزعا تومەندەتۋ، سونداي-اق لاستاۋشى زاتتاردىڭ نەگىزگى تۇرلەرىنىڭ جيىنتىق شىعارىندىلارىن قىسقارتۋدى جالعاستىرۋ كوزدەلگەن. سونداي-اق ورتالىق بيۋجەتتەن ينفراقۇرىلىم قۇرىلىسى، كولىك، گيدروەنەرگەتيكا، ۋرباندالۋ جانە ەلدىڭ وڭىرلىك دامۋى سالاسىنداعى جوبالارعا 610 ميلليارد يۋان (شامامەن $94 ميلليارد) مولشەرىندە ينۆەستيتسيالار ءبولۋ جوسپارلانىپ وتىر.