الماتىدا 2021 -جىلى 3 ءىرى جول ايرىعى سالىنادى
«الماتىدا جالپى جولدىڭ ۇزىندىعى 3096 ك م. ونىڭ ىشىندە ساپاسى جاقسى جولداردىڭ ۇلەسى سالماعى 2019 –جىلى % 75 - عا جەتكىزىلدى. بارلىعى 2322 ك م بولدى. الماتى اكىمىنىڭ تاپسىرماسىمەن 2020 -جىلى بۇل كورسەتكىشتى % 80- عا جەتكىزۋ كوزدەلگەن»، - دەدى قالالىق موبيلدىلىك باسقارماسى باسشىسىنىڭ ورىنباسارى ەرنۇر ابجاحان.
2019 -جىلى قالانىڭ دامۋ جوسپارىنا سايكەس ت. رىسقۇلوۆ پەن قۇلجا تاس جولى جول ايرىعى پايدالانۋعا بەرىلدى. سونىمەن قاتار، ءسۇيىنباي داڭعىلىنىڭ حمەلنيتسكيي مەن شولوحوۆ كوشەسى ارالىعىنداعى ۋچاسكەسى قايتا جوندەۋدەن ءوتتى. 2020 -جىلى 3 ءىرى جولايرىعىنىڭ: ت. رىسقۇلوۆ - ەمتسوۆ، س. سەيفۋللين داڭعىلى - ءى. جانسۇگىروۆ كوشەسى، بۇقتىرما - قۇلجا تاس جولى نىساندارىنىڭ قۇرىلىسى اياقتالادى.
«قازىر ت. رىسقۇلوۆ داڭعىلىنىڭ وڭتۇستىك جاعىندا جول جابىندىسى توسەلىپ جاتىر. ال سولتۇستىگىندە ۇيلەر ءالى ءسۇرىلىپ جاتىر. ءالى بىرنەشە نىسان تولىق تاركىلەنگەن جوق. بۇل جۇمىستار كەلەسى جىلى تولىق اياقتالادى»، - دەدى ەرنۇر ابجاحان.
س. سەيفۋللين - ءى. جانسۇگىروۆ جول ايرىعىندا ۇيلەر ءسۇرىلىپ جاتىر. بيىل توننەلدەر سالىنىپ، 2021 -جىلعا قاراي جۇمىس تولىق اياقتالادى. بۇقتىرما - قۇلجا تاس جولى جولايرىعىندا دا قالا مەن وبلىس تەرريتورياسىنداعى جەر ۋچاسكەلەرىن تاركىلەۋ ءجۇرىپ جاتىر.
اۆتور: گۇلميرا عوسمانالي