قازاقستاندا 2021-جىلى تاعى 18 جول اقىلى بولادى

نۇر-سۇلتان. قازاقپارات - قازاقستاندا بيىل تاعى 18 رەسپۋبليكالىق جول اقىلى بولادى.

بۇل 2024-جىلعا دەيىن جوسپارلانعان اقىلى جول جۇيەسىنىڭ جارتىسىنان كوبى. «قازاۆتوجول» باسشىسى ۇلان ءالىپوۆ اقىلى جولدىڭ ىسكە قوسىلۋ ۋاقىتى تۋرالى ايتتى، - دەپ حابارلايدى Tengrinews.kz ءتىلشىسى.

2021-جىلى اقىلى جول جۇيەسىن كەزەڭ-كەزەڭىمەن ىسكە قوسۋ جوسپارلانىپ وتىر. جاڭا اقىلى جولدىڭ جالپى ۇزىندىعى 5800 كيلومەترگە جۋىق. قازىرگى ۋاقىتتا جۇيە بەس تراسسادا سىناق رەجيمدە جۇمىس ىستەپ تۇر. ولار:

شىمكەنت-وزبەكستان شەكاراسى (تاشكەنتكە)؛

ورال-رەسەي شەكاراسى (ساراتوۆقا)؛

ورال-رەسەي شەكاراسى (ساماراعا)؛

اقتوبە-رەسەي شەكاراسى (ورىنبورعا)؛

شۋچينسك-پەتروپاۆل.

بۆب-اليانس

پوستاۆشيك مەتاللوپروكاتا 1№

جاقىن ارادا بۇل اۆتوجولداردا اقىلى جول ءجۇرۋ قالىپتى رەجيمدە جۇمىس ىستەيتىن بولادى. ول ناۋرىزعا جوسپارلانعان. سونداي-اق، وسى ايدا تاعى ءتورت جول تۇراقتى نەگىزدە اقىلى بولادى.

ولار:

شىمكەنت-قىزىلوردا؛

شىمكەنت - تاراز؛

تاراز - قاينار؛

قاپشاعاي - تالدىقورعان.

الدىمەن بۇل جولداردا سىناق رەجيم ەنگىزۋ كەرەك. ونى اقپاندا جاساۋ جولعا قويىلدى. سونىمەن 2021-جىلعى ناۋرىزدا قازاقستاندا جاڭا اقىلى اۆتوتراسسالار سانى توعىز بولادى.

ايتا كەتەيىك، اقپان ايىندا تاعى توعىز رەسپۋبليكالىق اۆتوجول سىناق رەجيمگە كوشەدى. ول جولداردى ساۋىردە تۇراقتى رەجيمگە كوشىرۋ جوسپارلانىپ وتىر.

ولار:

قارابۇتاق - قىزىلوردا؛

اقتوبە - ورال؛

اتىراۋ - بەينەۋ (وزبەكستان شەكاراسى)؛

اقتاۋ - بەينەۋ؛

قوستاناي - رەسەي شەكاراسى (ترويتسك)؛

نۇر-سۇلتان - قوستاناي؛

پاۆلودار - رەسەي شەكاراسى (ومبى)؛

نۇر-سۇلتان - پاۆلودار؛

پاۆلودار - سەمەي - قالباتاۋ.

ايتا كەتەيىك، قازاقستاندا 2024-جىلعا دەيىن اقىلى جولداردىڭ ۇزىندىعىن 11 مىڭ شاقىرىمعا دەيىن جەتكىزۋ جوسپارلانعان. بۇل ەلدەگى بارلىق جولداردىڭ شامامەن 45 پايىزى. بۇل جۇيەگە جالپى 25 ميلليارد تەڭگە جۇمسالادى.

«ۇزىندىعى 5200 شاقىرىم قالعان ۋچاسكەلەردە قايتا قۇرۋ جۇمىستارىنىڭ اياقتالۋىنا قاراي اقىلى جۇيەنى ەنگىزۋ ساتىلى جۇزەگە اسادى»، - دەدى ۇلان ءالىپوۆ.

قازىرگى ۋاقىتتا اقىلى اۆتوجولدار ءتورت تراسسا بويىنشا:

نۇر-سۇلتان - شۋچينسك؛

نۇر-سۇلتان - تەمىرتاۋ؛

الماتى - قورعاس؛

الماتى - قاپشاعاي.