التىن توبىلعى-2021: بيىلعى بايقاۋدىڭ جۇلدە قورى - 11 ميلليون تەڭگە

None
None
نۇر-سۇلتان. قازاقپارات - قازاقستان رەسپۋبليكاسى تۇڭعىش پرەزيدەنتى - ەلباسىنىڭ قورى 2021-جىل 20- ساۋىردەن باستاپ ءداستۇرلى «التىن توبىلعى» ادەبي بايقاۋىنا وتىنىمدەر قابىلداۋدى باستايدى.

بيىلعى بايقاۋدىڭ جۇلدە قورى - 11 ميلليون تەڭگە.

بايقاۋدىڭ باستى ماقساتى — قازىرگى زامانعى قازاقستاندىق كوركەم ادەبيەتتى دامىتۋ، جاس قالامگەرلەردى قولداۋ جانە ولاردىڭ شىعارماشىلىعىن ناسيحاتتاۋ.

جۇلدە تومەندەگى نوميناتسيالار بويىنشا تاعايىندالادى، ءار نوميناتسيا جەڭىمپازىنا «التىن توبىلعى» ادەبي سىيلىعىنىڭ لاۋرەاتى اتاعى جانە قارجىلاي سىيلىق تابىس ەتىلەدى:

♦ «جىلدىڭ ۇزدىك پروزاسى» (2 ميلليون)

♦ «جىلدىڭ ۇزدىك پوەزياسى» (2 ميلليون)

♦ «جىلدىڭ ۇزدىك دراماتۋرگياسى» (2 ميلليون)

♦ «جىلدىڭ بالالارعا ارنالعان ۇزدىك شىعارماسى» (2 ميلليون)

♦ «تاۋەلسىزدىكتىڭ 30 جىلدىعىنا ارنالعان ۇزدىك ادەبي تۋىندى» (ارنايى نوميناتسيا) (3 ميلليون)

بايقاۋعا قاتىسۋعا 18-35 جاس ارالىعىنداعى جاس ادەبيەتشىلەردىڭ قازاق جانە/نەمەسە ورىس تىلىندەگى شىعارمالارى قابىلدانادى. اۆتور ەكى نوميناتسياعا قاتىسۋعا قۇقىلى. كونكۋرستىق ىرىكتەۋگە ءبىر اۆتوردان — بۇرىن ەش جەردە جاريالانباعان ەكى شىعارماعا دەيىن قابىلدانادى. ءبىر اۆتور ەكى نوميناتسياعا قاتىسۋعا قۇقىلى.

قاتىسۋعا ءوتىنىمدى پوشتا ارقىلى مىنا مەكەنجايعا جىبەرۋ قاجەت:

نۇر- سۇلتان قالاسى، ءا. بوكەيحان كوشەسى 1، نۇرسۇلتان نازاربايەۆ قورى، سونداي-اق ءوتىنىمدى [email protected] ەلەكتروندىق پوشتاسىنا جىبەرۋ قاجەت.

بايقاۋعا شىعارمالار 20- ءساۋىر-20- تامىز ارالىعىندا قابىلدانادى. كونكۋرستىڭ قورىتىندىسى 2021-جىلعى قىركۇيەك ايىندا جاريالانادى.

جۇلدەگە ادەبي تۋىندىلاردى ۇسىنۋ ءتارتىبى

1. كونكۋرسقا 18-35 جاس ارالىعىنداعى جاس قالامگەرلەردىڭ قازاق جانە ورىس تىلىندەگى شىعارمالارى قابىلدانادى.

2. ءبىر اۆتور تەك ەكى نوميناتسياعا قاتىسۋعا قۇقىلى.

3. بايقاۋعا «التىن توبىلعى» بايقاۋىنىڭ بۇرىنعى جەڭىمپازدارى قاتىسا المايدى.

4. اۆتورلىق جۇمىستارعا قويىلاتىن تالاپتار:

1) كونكۋرسقا ءبىر اۆتوردىڭ بۇرىن ەش جەردە جاريالانباعان ەكى شىعارماسى عانا قابىلدانادى؛

2) كونكۋرسقا بەينورمالىق قولدانىستاعى سوزدەر كەزدەسەتىن، ەتيكالىق نورمالار مەن اۆتورلىق قۇقىقتارى بۇزىلعان شىعارمالار قابىلدانبايدى؛

3) شىعارما ا4 فورماتىندا، ءماتىنى 14 كولەمىندەگى Times New Rوman قارپىمەن 1 ارالىقتا تەرىلۋى كەرەك. ءماتىننىڭ كولەمىنە قويىلاتىن شەكتەۋ:

— پروزا ءۇشىن — 35 بەتتەن كەم ەمەس؛

— پوەزيا ءۇشىن — 5 بەتتەن كەم ەمەس؛

— درامالىق شىعارما ءۇشىن — 30 بەتتەن كوپ ەمەس؛

— بالالار ادەبيەتى ءۇشىن — 25 بەتتەن كوپ ەمەس؛

— «تاۋەلسىزدىكتىڭ 30 جىلدىعىنا ارنالعان ۇزدىك ادەبي تۋىندى» تاقىرىبىنداعى ءتۇرلى جانرداعى ادەبي شىعارما (پروزا — 35 بەتتەن كەم ەمەس؛ پوەما — 5 بەتتەن كەم ەمەس؛ دراما — 30 بەتتەن كوپ ەمەس؛ بالالار شىعارماسى — 25 بەتتەن كەم ەمەس).

4) كونكۋرسقا جىبەرىلەتىن ءوتىنىم «التىن توبىلعى» دەگەن بەلگى قويىلىپ ءبىر كونۆەرتپەن مىناداي تارتىپپەن جىبەرىلۋى كەرەك:

كونۆەرتكە بولەك سالىناتىندار

1) اۆتوردىڭ اتى-ءجونى كورسەتىلمەي ءبىر دانادا باسىپ شىعارىلعان شىعارما،

2) اۆتوردىڭ ءوزى تۋرالى مالىمەتتەر وسى كونۆەرتتىڭ ىشىندە جەكە كونۆەرتتە بولۋى ءتيىس: اتى، تەگى، اكەسىنىڭ اتى، تۋعان جىلى، تۇرعىلىقتى مەكەنجايى، بايلانىس تەلەفوندارى، e-mail.

massaget.kz

سوڭعى جاڭالىقتار