+7 (701) 759 90 19
+7 °С : نۇر-سۇلتان
+14 °С : الماتى
USD 433.15 EUR 515.06
RUB 5.61 CNY 66.06
جاڭالىقتار

نۇر-سۇلتاندا 2021 -جىلى 10 مىڭ جەڭىلدەتىلگەن پاتەر سالىنادى

5 ناۋرىز 16:26
:ءبولىسۋ
نۇر-سۇلتاندا 2021 -جىلى 10 مىڭ جەڭىلدەتىلگەن پاتەر سالىنادى

نۇر-سۇلتان. قازاقپارات - التاي كولگىنوۆ Instagram پاراقشاسىندا ەل استاناسىندا باسپانا ماسەلەسى قانداي جولدارمەن شەشىلىپ جاتقانىن ءتۇسىندىرىپ ءوتتى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.

«باسپانا وتە وزەكتى ماسەلە. بۇل بويىنشا جۇيەلى جۇمىستار جۇرگىزىپ كەلەمىز. جەڭىلدىكپەن بەرىلەتىن پاتەرلەر سالىنىپ جاتىر. اپاتتى جاعدايداعى ەسكى ۇيلەردى ءسۇرىپ، قاۋىپتى تۇرعىن ءۇي كەشەندەردى جوندەپ كەلەمىز. سونىمەن بىرگە قۇرىلىسى ۇزاققا سوزىلعان نىسانداردى اياقتاپ پايدالانۋعا بەرىپ، تۇرعىنداردى تۇرعىن ءۇي سەرتيفيكاتتارىمەن قامتاماسىز ەتىپ جاتىرمىز جانە ت. ب. جەتەكشى قۇرىلىس كومپانيالارىمەن كەزدەسۋدە ماڭىزدى ماسەلەلەر قاتارىن تالقىلادىق.

ءبىرىنشى. مەملەكەت باسشىسىنىڭ تاپسىرماسىنا سايكەس قولجەتىمدى جەڭىلدىكپەن بەرىلەتىن تۇرعىن ءۇي قۇرىلىسىن كەڭەيتۋدى جالعاستىرامىز. ماسەلەن، 2018 -جىلى 1100 الەۋمەتتىك پاتەر، 2019 -جىلى - 2900 پاتەر سالىنسا، 2020 -جىلى 7 مىڭنان استام الەۋمەتتىك پاتەر سالىندى. بۇل كورسەتكىش بيىل 10 مىڭ دەيىن ارتتى. ەكىنشى. ەلوردادا ەلباسىنىڭ باستاماسىمەن ءۇشىنشى جىل قاتارىنان (2019 -جىلدان باستاپ) «جۇمىس ىستەيتىن جاستارعا ارنالعان جالعا بەرىلەتىن تۇرعىن ءۇي» باعدارلاماسى جۇزەگە اسىپ كەلەدى. ول بويىنشا جىل سوڭىنا دەيىن 1 مىڭنان استام جاستار باسپانالى بولادى.

ءۇشىنشى. قاۋىپتى تۇرعىن ءۇي كەشەندەرىن جوندەۋدى جالعاستىرامىز. وتكەن جىلى 50 دەن استام كوپپاتەرلى تۇرعىن ءۇي كەشەنى جاسالدى. ولاردىڭ ىشىندە، بالكوندارىمەن «ايگىلى« بولعان ۇيلەر بار. جەل سوققاندا بالكوندار قابىرعالاردان الىستاپ كەتەتىن ەدى.

«تەرريتوريا كومفورتا-2» ءۇيى دە وسى قاتارعا جاتادى. ءتورتىنشى. وتكەن جىلى اپاتتى جاعدايداعى ەسكى ۇيلەردەن 200-گە جۋىق وتباسى كوشىرىلسە، بيىل دا ءدال سونشاما وتباسى كوشىرىلەدى. بەسىنشى. تۇرعىن ءۇي سەرتيفيكاتتارىنىڭ مولشەرى 1 ميلليون تەڭگەدەن 1,5 ميلليون تەڭگەگە دەيىن كوبەيتىلدى. سونداي-اق، تۇرعىن ءۇي سەرتيفيكاتتارىن الۋشىلاردىڭ ساناتتارى كەڭەيتىلدى: ەگەر بۇرىن تىزىمگە حالىقتىڭ الەۋمەتتىك ءالسىز توبىنان 3 سانات قانا بولسا، ەندى بارلىق ساناتتار ەندى. التىنشى. ۇلەستىك قۇرىلىس نىساندارىن اياقتاۋ بويىنشا جۇيەلى جۇمىستار جۇرگىزۋدەمىز. 2019 -جىلى 10 ۇلەستىك قۇرىلىس نىسانى سالىنىپ، پايدالانۋعا بەرىلدى، بۇل 2,5 مىڭ ۇلەسكەر. 2020 -جىلى ەكى ەسە كوپ - 20 ت ك اياقتالدى. بيىل تاعى 7 مىڭعا جۋىق ۇلەسكەرگە كىلتتەردى تابىستاۋدى جوسپارلاپ وتىرمىز. تۇرعىن ءۇي ماسەلەلەرىن شەشۋ بويىنشا بارلىق شارالاردى باقىلاۋدا ۇستايمىز»، - دەپ جازدى ەلوردا اكىمى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات