توكيو-2020: ءمولدىر جاڭبىرباي ۋكراينالىق قارسىلاسىمەن تەڭ ءتۇستى

توكيو. قازاقپارات - توكيو وليمپياداسىندا قازاقستاندىق ءمولدىر جاڭبىرباي (55 كەلى) كاراتە- دودان ەكىنشى جەكپە- جەگىن وتكىزدى، دەپ حابارلايدى قازاقپارات ءتىلشىسى.

ەكىنشى كەزدەسۋىندە ءمولدىر ۋكراينالىق انجەليكا تەرليۋگامەن كەزدەستى. العاشقى ساتتەردە قارسىلاسى بىردەن ءۇش ۇپاي الىپ كەتتى. ودان كەيىن ءمولدىر قايتادان تارازى باسىن تەڭەستىردى. جەكپە- جەك 4:4 ەسەبىمەن تەڭ اياقتالدى.

انجەليكا تەرليۋگا 1992 -جىلدىڭ 27- مامىرىندا دۇنيەگە كەلگەن. بۇگىنگى دەيىن ەۋروپا چەمپيوناتىندا 3 التىن، 1 كۇمىس، 2 قولا مەدال العان. سونداي- اق، ەۋروپالىق ويىنداردا كۇمىس جۇلدەگەر اتاندى.

ايتا كەتسەك، ءمولدىر جاڭبىرباي В توبىندا سىنعا تۇسەدى. قارسىلاستارى - ۋكراينالىق انجەليكا تەرليۋگا، جاپونيالىق ميحو مياحارا، اۆستريالىق بەتتينا پلانك جانە مىسىرلىق رادۆان سايەد. ءمولدىر العاشقى جەكپە- جەگىندە مىسىرلىق رادۆان سايەدتى جەڭسە، ودان كەيىن اۆستريالىق بەتتينا پلانكقا ەسە جىبەردى.

ەندى قازاقستاندىق سپورتشى ءتورتىنشى جەكپە- جەگىندە جاپونيالىق ميحو مياحارامەن كەزدەسەدى.

وليمپيادادا ايەلدەر اراسىندا 55 كەلىدە سىنعا ءتۇسىپ جاتقان 9 كاراتە- دو شەبەرى ەكى توپقا بولىنگەن. ءاربىر توپتاعى سپورتشىلار ءبىر- بىرىمەن كەزدەسەدى. ۇزدىك شىققان ەكەۋى جارتىلاي فينالعا شىعادى. جارتىلاي فينالدا ءتورت سپورتشى ءوزارا ءبىر- بىرىمەن كەزدەسىپ، ۇزدىك ۇشتىكتى انىقتايدى.

فوتو: پرەسس- سلۋجبا نوك كازاحستانا، ۆلاديسلاۆ سەمەنوۆ