+7 (701) 759 90 19
9 °С : نۇر-سۇلتان
22 °С : الماتى
USD 423.91 EUR 497.37
RUB 5.82 CNY 65.59
جاڭالىقتار

توكيو-2020: ءمولدىر جاڭبىرباي مىسىرلىق قارسىلاسىن جەڭدى

5 تامىز 14:03
:ءبولىسۋ
توكيو-2020: ءمولدىر جاڭبىرباي مىسىرلىق قارسىلاسىن جەڭدى

توكيو. قازاقپارات - توكيو وليمپياداسىندا قازاقستاندىق ءمولدىر جاڭبىرباي (55 كەلى) كاراتە- دودان جارتىلاي فينالعا شىقتى، دەپ حابارلايدى قازاقپارات ءتىلشىسى.

ايتا كەتسەك، ءمولدىر جاڭبىرباي ب توبىندا سىنعا تۇسەدى. قارسىلاستارى - ۋكراينالىق انجەليكا تەرليۋگا، جاپونيالىق ميحو مياحارا، اۆستريالىق بەتتينا پلانك جانە مىسىرلىق رادۆان سايەد.


ءمولدىر جاڭبىرباي 1997 - جىلدىڭ 18- مامىرىندا دۇنيەگە كەلگەن. ول كاراتە- دودان ق ر حالىقارالىق دارەجەدەگى سپورت شەبەرى، كوپ دۇركىن ق ر چەمپيوناتتارىنىڭ، سپارتاكيادالاردىڭ، حالىقارالىق جارىستاردىڭ جەڭىمپازى جانە جۇلدەگەرى. قازاقستاندىق سپورتشى ءتۇرلى جاس دەڭگەيىندە 3 دۇركىن ازيا جانە 3 دۇركىن الەم چەمپيونى، الەم كۋبوگىنىڭ يەگەرى.

ول العاشقى جەكپە- جەگىندە ەگيپەتتىك رادۆا سايەدپەن شەبەرلىك بايقاستى. كەزدەسۋ تارتىستى ءوتتى. العاشقى ساتتەردە قازاقستاندىق سپورتشىنىڭ باسىمدىعى بايقالىپ تۇردى. ءمولدىر جاڭبىرباي العاشقى كەزدەسۋىن ءساتتى وتكىزدى. الدا ءالى ءۇش كەزدەسۋى بار.

رادۆا سايەد 1997 -جىلدىڭ 30- مامىرىندا دۇنيەگە كەلگەن. 2016 -جىلى الەم چەمپيوناتىندا قولا السا، افريكا ويىندارىندا 2015 -جىلى قولا، 2019 -جىلى كۇمىس جۇلدەگەر بولدى.

ەسكە سالساق، بۇدان بۇرىن قازاقستاندىق كاراتە - دو شەبەرى دارحان اساديلوۆ وليمپيادانىڭ جارتىلاي فينالىنا شىقتى.

اۆتور: ءادىلجان ۇمبەت


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات