+7 (701) 759 90 19
13 °С : نۇر-سۇلتان
31 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

توكيو-2020: قازاقستاندىق بوكسشى قولا جۇلدەگەر اتاندى

5 تامىز 12:28
:ءبولىسۋ
توكيو-2020: قازاقستاندىق بوكسشى قولا جۇلدەگەر اتاندى

توكيو. قازاقپارات - توكيو وليمپياداسىندا قازاقستاندىق بوكسشى ساكەن بيبوسىنوۆ (52 كەلى) قولا جۇلدەگەر اتاندى، دەپ حابارلايدى قازاقپارات ءتىلشىسى.

ول جارتىلاي فينالدا ۇلى بريتانيالىق گالال يافايمەن قولعاپ ءتۇيىستىردى. ءۇشىنشى راۋندتا ساكەننىڭ باسىمدىعى بايقالدى. قورىتىندى ناتيجەدە تورەشىلەر ۇلى بريتانيالىق بوكسشىنىڭ قولىن كوتەردى. العاشقى ەكى راۋندتا قارسىلاستار تەپە- تەڭ دەڭگەيدە ويىن كورسەتتى. ساكەن بيبوسىنوۆ 1997 -جىلى دۇنيەگە كەلگەن. 2019 -جىلى الەم چەمپيوناتىندا قولا جۇلدەگەر اتاندى. ول ءقازىر اسكەر قاتارىندا قىزمەت ەتەدى، ەفرەيتور.

ق ر قورعانىس مينيسترلىگىنىڭ ورتالىق سپورت كلۋبىندا جاتتىعادى. ساكەن بۇعان دەيىن پۋەرتو- ريكودان كەلگەن يانكيەل ريۆەرانى، فرانسيالىق بيللال بەننامدى، يسپانيالىق گابريەل ەسكوباردى جەڭىپ كەتتى. ول 1992 -جىلى 11-جەلتوقساندا دۇنيەگە كەلگەن. بۇدان بۇرىن دۇنيەجۇزىلىك دەڭگەيدە جەتىستىككە جەتە قويعان جوق. گالال يافاي بۇگىن شيرەك فينالدا الەم چەمپيوناتىنىڭ ءۇش مارتە جۇلدەگەرى اتانعان كۋبالىق بوكسشى يوسۆاني ۆەيتيانى 4:1 ەسەبىمەن قاپى قالدىرىپ كەتتى.

ودان بۇرىن ارمەنيالىق كوريۋن سولومونياندى، ودان كەيىن زامبيالىق پاتريك چينەمبانى جەڭدى. ەسكە سالساق، بيىلعى وليمپياداعا بوكستان ەرلەر قۇراماسىنان 8 سپورتشى باردى. ونىڭ اراسىنان قامشىبەك قوڭقابايەۆ (91 كەلىدەن جوعارى) قولا جۇلدەگەر اتاندى. قازاقستاندىق بوكسشىلار بۇعان دەيىنگى وليمپيادالاردا بارلىعى 22 مەدال العان. ونىڭ 7 ى التىن، 7 سى كۇمىس، 8 ى قولا.

فوتو: olympic.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات