توكيو 2020: قازاقستاندىق بوكسشىلار اتنيرەكوردتى قايتالادى
بۇنداي جاعداي تاۋەلسىزدىك العان جىلداردان بەرى ءبىر رەت قانا بولعان. 2008 - جىلى بەيجىڭ وليمپياداسىندا 2 سپورتشىمىز اقتىق سىندارعا شىعىپ، 1 التىن مەن 1 كۇمىس ەنشىلەگەن ەدى. قالعان وليمپياداداردا كەمىندە 3 جەرلەسىمىز جارتىلاي فينالعا شىعىپ ءجۇر. ال، وتكەن ريو وليمپياداسىندا كورسەتكىش ءتىپتى 5-ەۋگە جەتتى. ال، ەڭ ناتيجەلى وليمپيادا دەپ 2000 -جىلعى سيدنەي ويىندارىن ايتۋعا بولادى. قازاقستان قۇراماسى 2 التىن جانە 2 كۇمىس جەڭىپ الدى.
ەسكە سالا كەتەيىك، توكيو وليمپياداسىندا 52 كەلىگە دەيىنگىلەر اراسىندا ساكەن بيبوسىنوۆ پەن 91 كەلدەن جوعارعىلار اراسىنداعى قامشىبەك قوڭقابايەۆ جارىستى جالعاستىرىپ جاتىر. قالعان جىگىتتەر ەلگە قايتتى.
بۇگىن بوكستان 91 كەلىدەن جوعارعىلار اراسىندا سوڭعى سىننىڭ جولداماسى ساراپقا سالىنعان. قازاقستاندىق قامشىبەك قوڭقابايەۆ امەريكالىق ريچارد توررەسپەن جولىقتى. العاشقى راۋندتا قارسىلاسى باسىم بولدى. ال، ەكىنشىدە قامشىبەك نوكداۋن الدى. شەشۋشى كەزەڭدە مۇرنىنىڭ جوعارعى تۇسى قاناپ، تىپتەن جارىستى جالعاستىرا المادى. وسىلايشا، قامشىبەك توكيو وليمپياداسىنىڭ قولا جۇلدەگەرى اتاندى. ەندى فينالدا امەريكالىق بوكسشى وزبەكستاندىق باحادۇر جالولوۆپەن جۇدىرىقتاسادى.