+7 (701) 759 90 19
10 °С : نۇر-سۇلتان
18 °С : الماتى
USD 425.85 EUR 499.78
RUB 5.82 CNY 65.87
جاڭالىقتار

توكيو-2020: قامشىبەك قوڭقابايەۆ فينالعا شىعا المادى

4 تامىز 13:16
:ءبولىسۋ
توكيو-2020: قامشىبەك قوڭقابايەۆ فينالعا شىعا المادى

توكيو. قازاقپارات - توكيو وليمپياداسىندا قازاقستاندىق قامشىبەك قوڭقابايەۆ (91 كەلىدەن جوعارى) جارتىلاي فينالدا ا ق ش بوكسشىسى ريچارد توررەزبەن قولعاپ ءتۇيىستىردى، دەپ حابارلايدى قازاقپارات ءتىلشىسى.

بۇگىنگى جەكپە- جەكتىڭ ءبىرىنشى راۋندىندا امەريكالىق بوكسشىنىڭ باسىمدىعى اڭعارىلدى. ەكىنشى راۋندتا قامشىبەك العا ۇمتىلىپ، قارسىلاسىنا ءبىراز سوققى جۇمسادى. دەسە دە سوڭعى ساتتە نوكداۋن الىپ قالدى. ءۇشىنشى راۋندتا قامشىبەكتىڭ جاراقات الىپ قالۋىنا بايلانىستى جارىس توقتاتىلدى. فينالعا ريچارد توررەز شىقتى. قازاقستاندىق بوكسشى بۇدان بۇرىن مىسىرلىق يۋسري رەزك مۇستافا حافەز بەن رەسەيلىك يۆان ۆەرياسوۆتى جەڭدى.

قارسىلاسى - ريچارد توررەز 1999 -جىلى 1-ماۋسىمدا دۇنيەگە كەلگەن. قازىرگە دەيىن اۋەسقوي بوكستا 60 جەكپە- جەك وتكىزىپ، ونىڭ 51-دە جەڭىسكە جەتتى. 2016 -جىلى جاستار اراسىنداعى الەم چەمپيوناتىندا قولا جۇلدەگەر اتاندى. ال 2019 -جىلى پانامەريكان ويىندارىندا دا ءدال سول جەتىستىگىن قايتالادى. 2019 -جىلعى الەم چەمپيوناتىندا ول شيرەك فينالدا قارسىلاسىنا نوكاۋتپەن ۇتىلدى. ازىرگە باسقا قول جەتكىزگەن تابىستارى جوق. اتالعان سالماقتا وزبەكستاندىق باحودير جالولوۆ جارتىلاي فينالدا ۇلى بريتانيالىق فرەيزەر كلاركتى جەڭىپ، فينالعا جولداما الدى.

ەسكە سالساق، بيىلعى وليمپياداعا ەرلەر قۇراماسىنان 8 سپورتشى باردى. ولاردىڭ اراسىنان قامشىبەكتەن وزگە ساكەن بيبوسىنوۆ (52 كەلى) 5-تامىزدا جارتىلاي فينال ويىنىن وتكىزەدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات