+7 (701) 759 90 19
9 °С : نۇر-سۇلتان
23 °С : الماتى
USD 423.91 EUR 497.37
RUB 5.82 CNY 65.59
جاڭالىقتار

توكيو-2020: قامشىبەك قوڭقابايەۆ جارتىلاي فينالعا شىقتى

1 تامىز 18:42
:ءبولىسۋ
توكيو-2020: قامشىبەك قوڭقابايەۆ جارتىلاي فينالعا شىقتى

توكيو. قازاقپارات - توكيو وليمپياداسىندا قازاقستاندىق بوكسشى قامشىبەك قوڭقابايەۆ (91 كەلىدەن جوعارى) بۇگىن رەسەيلىك يۆان ۆەرياسوۆتان باسىم ءتۇستى، دەپ حابارلايدى قازاقپارات ءتىلشىسى.

العاشقى ەكى راۋندتا قامشىبەكتىڭ باسىمدىعى بايقالىپ تۇردى. ءۇشىنشى راۋندتا دا سول قارقىنىنان تايعان جوق. وسىلايشا جارتىلاي فينالعا شىقتى. قازاقستاندىق سپورتشىنىڭ بۇگىنگى قارسىلاسى يۆان ۆەرياسوۆ 1993 -جىلى دۇنيەگە كەلگەن. اۋەسقوي بوكستا قازىرگە دەيىن 281 جەكپە- جەك وتكىزىپ، ونىڭ 255 ىندە جەڭىسكە جەتكەن بولاتىن. ازىرگە الەمدىك جانە قۇرلىقتىق چەمپيوناتتاردا جۇلدەگەرلەر قاتارىنان كورىنە العان جوق.

ەسكە سالساق، بيىلعى وليمپياداعا ەرلەر قۇراماسىنان 8 سپورتشى باردى. ولاردىڭ اراسىنان قامشىبەكتەن وزگە ساكەن بايبوسىنوۆ (52 كەلى)، زاكير سافيۋللين (60 كەلى) جارىستى جالعاستىرۋدا. ال سەرىك تەمىرجانوۆ (57 كەلى)، ابىلايحان ءجۇسىپوۆ (69 كەلى)، ءابىلحان امانقۇل (75 كەلى)، بەكزات نۇرداۋلەتوۆ (81 كەلى)، ۆاسيلي ليەۆيت (91 كەلى) قارسىلاسىنا ەسە جىبەرىپ قويدى. قىزداردا نادەجدا ريابەتس (75 كەلى) العاشقى كەزدەسۋدە جەڭىلىپ قالدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات