توكيو-2020: راك دەرتىن جەڭگەن تاەكۆوندوشى قولا مەدال ەنشىلەدى

None
None
تيبا. YONHAP- قازاقپارات - راك دەرتىنەن ايىققان وڭتۇستىككورەيالىق تاەكۆوندوشى ينگ كە- دون جاپونيا وليمپياداسىندا قولا مەدال ولجالادى، دەپ حابارلايدى قازاقپارات YONHAP اگەنتتىگىنە سىلتەمە جاساپ.

80 كەلىدەن جوعارى سالماقتا ەرلەر اراسىنداعى قولا ءۇشىن بولعان باسەكەدە سلوۆەنيالىق يۆان كونراد ترايكوۆيچتى 5-4 ەسەبىمەن جەڭگەن ينگ ونىڭ بۇل جەتىستىگى قاتەرلى ىسىكپەن كۇرەسكەن باسقا ادامداردى جىگەرلەندىرەدى دەپ ەسەپتەيدى.

2014 -جىلى وعان 22 جاسىندا ليمفوما دياگنوزى قويىلدى. كەلەسى جىلى ينگ كە-دون جارىسقا قايتا ورالدى. ال 2019 -جىلدىڭ جازىندا دارىگەرلەر ونىڭ قاتەرلى ىسىكتەن تولىق جازىلعاندىعىن ءمالىم ەتتى.

«مەن ول كەزدە وليمپيادا ويىندارى دەگەن ءسوزدى ءتىپتى ويىما دا الماعان ەدىم»، - دەدى ينگ توكيونىڭ شىعىسىنداعى چيباداعى А Makuhari Messe زالىندا.

«وليمپيادا مەدالىن الۋ ءۇشىن ۇزاق جولدان ءوتتىم. مەنىڭ بۇل جەتىستىگىم قاتەرلى ىسىكپەن كۇرەسىپ جاتقان سىرقاتتاردى شابىتتاندىرادى دەگەن سەنىمدەمىن». وليمپياداداعى العاشقى دەبيۋتىن 29 جاسىندا، وزگە ويىنشىلاردان كەشىرەك وتكىزگەن و ل التىن بولماسا دا، ءوز مەدالىن الدەقايدا جوعارى باعالايتىنىن ايتتى.

«مەن جارتىلاي فينالدا ۇتىلدىم، ءبىراق قولىمنان كەلگەننىڭ ءبارىن جاسادىم»، - دەدى ينگ. «بۇعان ەش وكىنبەيمىن». سونداي-اق ول توكيو وليمپياداسى ءوزىنىڭ العاشقى جانە سوڭعى جارىسى ەكەندىگىن جەتكىزدى.

سوڭعى جاڭالىقتار