+7 (701) 759 90 19
9 °С : نۇر-سۇلتان
21 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

توكيو-2020: قازاقستاندىق تەننيسشى جارىستان نەلىكتەن باس تارتقانىن ءتۇسىندىردى

26 شىلدە 11:10
:ءبولىسۋ
توكيو-2020: قازاقستاندىق تەننيسشى جارىستان نەلىكتەن باس تارتقانىن ءتۇسىندىردى

توكيو. قازاقپارات - ياروسلاۆا شۆەدوۆا وليمپيادادا نەلىكتەن جارىس جولىنان شىعىپ قالعانىن ءتۇسىندىردى، دەپ حابارلايدى قازاقپارات.

قازاقستاندىق تەننيسشى ياروسلاۆا شۆەدوۆا وليمپيادانىڭ كەلەسى اينالىمىنا وتە العان جوق. ول كەزدەسۋ كەزىندە ويىندى توقتاتۋعا ءماجبۇر بولدى. ۇلتتىق وليمپيادا كوميتەتىنىڭ رەسمي سايتىنا سۇحبات بەرگەن تەننيسشى جارىستان باس تارتۋىنىڭ سەبەبىن ايتتى.

«ءوز وزىمە ەندى كەلىپ جاتىرمىن. وكىنىشكە قاراي، كەزدەسۋ جەڭىلىسپەن اياقتالدى. جاقسى ويناپ، تىرىسقان سياقتىمىن. ءبارى جامان ەمەس ەدى، الايدا، ءبىرىنشى سەتتىڭ اياعىنا قاراي ىستىققا شىداۋ مۇمكىن بولمادى. كۇننىڭ ىستىعى قاتتى اسەر ەتتى. سوندا دا توقتاماي، بىرنەشە گەيم ويناۋعا تىرىستىم. ءبىراق جاعدايىم ناشارلاپ، اياعىمدى سەزبەي قالدىم. ويىندى توقتاتقىم كەلگەن جوق، ەڭ سوڭىنا دەيىن ويناعىم كەلدى. ءبىراق 3:2 ەسەبىمەن الدا تۇرعانىمدا ءبارى قيىنداي ءتۇستى. مەن سوڭىنا دەيىن ويناي المايتىنىمدى سەزدىم. يۋليا مەن زارينا دا ويىننان باس تارتقان سوڭ بارىنشا سوڭىنا دەيىن بارعىم كەلدى. ويىنىم جاقسى ءجۇرىپ جاتسا دا، جاعدايدىڭ وسىنداي بولعانى وكىنىشتى»، - دەدى شۆەدوۆا.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات