توكيو-2020: ۇستەل تەننيسىنەن قازاقستاندىق سپورتشىلاردىڭ قارسىلاستارى انىقتالدى

نۇر-سۇلتان. قازاقپارات - بۇگىن جاپونيانىڭ توكيو قالاسىندا ۇستەل تەننيسىنەن جەرەبە تارتۋ ءراسىمى ءوتىپ، قازاقستاندىق سپورتشىلاردىڭ قارسىلاستارى بەلگىلى بولدى، دەپ حابارلايدى قازاقپارات ءتىلشىسى.

ق ر ۇلتتىق وليمپيادالىق كوميتەتىنىڭ باسپا ءسوز قىزمەتى حابارلاعانداي، ەرلەر اراسىندا جەكە سايىس بويىنشا 65، ال ايەلدەر اراسىندا 70 سپورتشى باق سىناماق.

سپورتتىڭ بۇل تۇرىنەن ەل سپورتشىلارى 24- شىلدە كۇنى جارىس الاڭىنا شىعادى.

جەرەبە ناتيجەسىنە سايكەس 24- شىلدە كۇنى ەل نامىسىن قورعايتىن اناستاسيا لاۆروۆانىڭ العاشقى قارسىلاسى ITTF رەيتينگىسىندە 72-ورىندا تۇرعان يسپانيالىق تەنيسشى ماريا سياو بولادى.

ال قازاقستان قۇراماسىنىڭ كوشباسشىسى كيريلل گەراسيمەنكو جارىسقا ەكىنشى كەزەڭنەن قوسىلادى. ول 25- شىلدەدە ليۋبومير يانچارجيك (چەحيا) /الي الحادراۆي (ساۋد ارابياسى) جۇبىنىڭ جەڭىمپازىمەن كەزدەسەدى.

ەستەرىڭىزگە سالا كەتەيىك، توكيو وليمپياداسى 23- شىلدە باستالىپ، 8- تامىز كۇنى مارەسىنە جەتەدى.

اۆتور: كۇنسۇلتان وتارباي