فۋتزال: «قايرات» ويىنشىسى 2020-جىلعى الەمنىڭ ۇزدىك قاقپاشىسى اتاندى

None
None
نۇر-سۇلتان. قازاقپارات- الماتىنىڭ «قايراتى» مەن قازاقستان ۇلتتىق فۋتبول قۇراماسىنىڭ قاقپاشىسى يگيتا «الەمنىڭ ۇزدىك قاقپاشىسى» اتاعىنا يە بولدى، دەپ حابارلايدى قازاقپارات.

«قايرات» فۋتزال كلۋبىنىڭ باسپا ءسوز قىزمەتى تاراتقان اقپاراتقا سۇيەنسەك، يگيتا (شىن ەسىمى — لەوناردو دە مەلو ۆيەرا لەيتە) Futsal Planet نۇسقاسى بويىنشا بەسىنشى مارتە الەمنىڭ ۇزدىك قاقپاشىسى اتانىپ وتىر.

بۇگىن بۇكىل الەمدىك Futsalplanet.com رەسمي سايتىندا فۋتزالداعى جەكە ماراپاتتاردىڭ داۋىس بەرۋ ناتيجەلەرى جاريالاندى. بۇعان دەيىن «قايرات» قاقپاشىسى يگيتا ءتورت رەت (2015، 2016، 2018 جانە 2019) ۇزدىك قاقپاشى بولعان.

داۋىس بەرۋ قورىتىندىسى مىناداي:

1. يگيتا (قازاقستان) — 603 ۇپاي؛

2. گۋيتتا (برازيليا) — 561

3. حەسۋس ەررەرا (يسپانيا)؛ — 409.

سوڭعى جاڭالىقتار