قايرات نۇرتاستىڭ ايەلى «الەم حانىمى-2020» اتاندى
داۋىس بەرۋ بايقاۋدىڭ رەسمي سايتىندا 1-24 - جەلتوقسان ارالىعىندا ءوتتى. ونىڭ قورىتىندىسى بويىنشا جۇلدىز ابدۋكاريموۆا ءبىرىنشى ورىنعا يە بولدى. ول وسىعان دەيىن الەۋمەتتىك جەلىدەگى پاراقشاسىندا قازاقستاندىقتاردان قولداۋ كورسەتۋىن سۇراعان ەدى.
ايتا كەتەيىك، قايرات نۇرتاستىڭ جۇبايىنىڭ Instagram جەلىسىندەگى پاراقشاسىندا 2,3 ميلليوننان اسا قولدانۋشىسى بار. ءتورت بالاسى بار - ەكى ۇل جانە ەكى قىز.
«الەم حانىم» - بۇل حالىقارالىق سۇلۋلىق بايقاۋى، تۇرمىس قۇرعان حانىمدارعا ارنالعان جىل سايىنعى سۇلۋلىق بايقاۋى رەتىندە ۇيىمداستىرىلعان. «الەم حانىمى» بايقاۋى 2007 -جىلدان بەرى وتكىزىلىپ كەلەدى، ول العاش رەت بولگاريادا ءوتتى. وعان الەمنىڭ كەز كەلگەن ەلىنەن ۇيلەنگەن، اجىراسقان نەمەسە جەسىر قالعان 18-55 جاس ارالىعىنداعى ايەلدەر قاتىسا الادى. بيىل پاندەمياعا بايلانىستى كونكۋرس ونلاين فورماتتا ءوتتى، ءبىراق ۇيىمداستىرۋشىلار كەلەسى جىلى كونكۋرسقا قاتىسۋشىلاردىڭ ءوز جوبالارىن تانىستىرۋ ءۇشىن كەلۋگە مۇمكىندىگى بولاتىنىن ايتتى.