جامبىلدىڭ ۇزدىك جاستارى «اۋليەاتا ءۇمىتى-2020» سىيلىعىنا يە بولدى

تاراز. قازاقپارات - جامبىل وبلىسىنىڭ سان ءتۇرلى سالادا ۇزدىك دەپ تانىلعان جاستارى «اۋليەاتا ءۇمىتى - 2020» سىيلىعىمەن ماراپاتتالدى، دەپ حابارلايدى قازاقپارات ءتىلشىسى.

«بالاساعۇن» كونسەرت زالىنىڭ عيماراتىندا وبلىس اكىمى بەردىبەك ساپاربايەۆ ءبىلىم مەن عىلىم، ونەر مەن كاسىپكەرلىك، مادەنيەت پەن ادەبيەتتىڭ كەلەشەگى جولىندا ءوز ۇلەستەرىن قوسىپ، جەتىستىككە جەتىپ جۇرگەن جالىندى جاستارمەن جۇزدەستى.

«اۋليەاتا ءۇمىتى-2020» وبلىستىق جاستار سىيلىعى ءوڭىر ورەندەرىنىڭ ازاماتتىق جانە قوعامدىق- ساياسي بەلسەندىلىگىن ارتتىرۋ، ءبىلىم، عىلىم، ونەر، مادەني، شىعارماشىلىق دەڭگەيىنىڭ ارتۋىنا جانە وڭىردەگى جاستار ساياساتىنداعى ءوزىن-ءوزى باسقارۋ جۇيەسىن قالىپتاستىرۋعا جاعداي جاساي وتىرىپ، ءارتۇرلى سالادا جەتىستىككە جەتكەن جانە قوعامدىق ومىردە بەلسەندى بولعان جاستاردى قولداۋ ماقساتىندا ءداستۇرلى تۇردە ۇيىمداستىرىلىپ كەلەدى.

شاراعا ارنايى قاتىسقان وبلىس باسشىسى بەردىبەك ساپاربايەۆ ەل سەنىمىن ارقالاعان جىگەرلى جاستارعا كەلەلى كەڭەسىن ايتىپ، باعىندىرار بەلەستەر مەن الار اسۋلاردى ايشىقتاپ اتاپ ءوتتى.

ءوز كەزەگىندە جاستار دا وبلىس اكىمىنە كوكەيدەگى ساۋالدارىن جولداپ، جاۋاپتار الا الدى. ۇتىمدى ۇسىنىستارىمەن ءبولىستى. ەركىن، ەمەن-جارقىن جۇزدەسۋ بارىسىندا بارىسىندا «اۋليەاتا ءۇمىتى-2020» وبلىستىق جاستار سىيلىعىنىڭ جەڭىمپازدارىن ماراپاتتالدى.

اتاپ ايتساق، كوميسسيا شەشىمى بويىنشا «ۇزدىك جاس عالىم» نوميناتسياسىن ا. جامانقۇل، «ۇزدىك جاس مۇعالىم» نوميناتسياسىن م. راحمەتقۇل قىزى، «ۇزدىك جاس مەديتسينا مامانى» نوميناتسياسىن ە. تولەبەكوۆ، «ۇزدىك جاس سپورتشى» نوميناتسياسىن ە. كارىباي، «مۋزىكا (ۇزدىك جاس ءانشى نەمەسە ۇزدىك جاس مۋزىكانت) « نوميناتسياسىن ا. ەسەكەيەۆا، «تەاتر جانە كينو سالاسىنىڭ ۇزدىك جاس اكتەرى» نوميناتسياسىن ز. اسان، «ۇزدىك جاس جازبا اقىن» نوميناتسياسىن ن. قادىرالى، «ۇزدىك جاس ايتىسكەر اقىن» نوميناتسياسىن د. اپباسوۆ، «ۇزدىك جاس باسپا جۋرناليست» نوميناتسياسىن ل. نۇرماتوۆا، «ۇزدىك جاس تەلەجۋرناليست» نوميناتسياسىن ش. داكەن، «ۇزدىك جاس مەملەكەتتىك قىزمەتشى» نوميناتسياسىن د. قۇلىباي، «ۇزدىك جاس قۇقىق قورعاۋ سالاسىنىڭ قىزمەتكەرى» نوميناتسياسىن ا. ماحامبەتوۆا، «قوعامدىق قىزمەتتەگى ۇزدىك جاس» نوميناتسياسىن ن. قارابايەۆ، «ۇزدىك جۇمىسشى جاس» نوميناتسياسىن ا. ابدەلى، «ۇزدىك جاس كاسىپكەر» نوميناتسياسىن ب. كابدۋللين، «ۇزدىك جاس ۆولونتەر» نوميناتسياسىن ب. بالعاباي، «ۇزدىك جاس مەتسەنات» نوميناتسياسىن ا. ولجاباي يەلەندى. جەڭىمپازدارعا ارنايى ستاتۋەتكا، ديپلوم جانە اقشالاي سىياقىنى (150 مىڭ تەڭگە) ءوز سالاسىنىڭ مايتالماندارى تابىستادى.