ۇلتتىق ەكونوميكا مينيسترلىگى 2020 -جىلعى جالپى ىشكى ونىمىگە بولجام جاسادى
«وزدەرىڭىز دە بىلەسىزدەر، ەكونوميكا بولجامى ءساۋىر ايىنىڭ باسىندا ناقتىلانعان ەدى. سول كەزدە ءبىز كونسەرۆاتيۆتى بولجام جاساپ، بارىنشا ورتاشا مالىمەتتەردى قابىلداعان ەدىك. قازىرگى ۋاقىتتا كوروناۆيرۋس ىندەتىنە، ساۋدا سوعىستارىنا، پروتەكتسيونيزمگە جانە ەنەرگيا رەسۋرستارىنا باعانىڭ ايتارلىقتاي قۇلدىراۋىنا بايلانىستى سوڭعى عاسىردىڭ ىشىندە العاش رەت الەمدىك ەكونوميكانىڭ قاتتى قىسقارۋى بايقالادى. وسى جىلدىڭ 5 ايىنىڭ قورىتىندىسىندا بىزدە قىزمەت كورسەتۋ سەكتورى 6,2 پايىزعا تومەندەدى. تاۋارلار ءوندىرىسى وڭ قارقىن ساقتاپ وتىر. وندىرىستىك سەكتورداعى ءوسىم 4,8 پايىزدى قۇرايدى. بۇل 5 ايدىڭ قورىتىندىسىنداعى ناقتى ساندار»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.
ونىڭ اتاپ وتۋىنشە، 2 اپتاعا ەنگىزىلگەن شەكتەۋ شارالارى ەكونوميكالىق تۇرعىدا العاندا توتەنشە جاعداي رەجيمى كەزىندەگى شارالاردان وزگەشە بولىپ كەلەدى. ياعني، تەمىر جول، اۋە تاسىمالى، جۇك تاسىمالى، قۇرىلىس جۇمىستارى جالعاسىپ، شاعىن ازىق- تۇلىكەمەس دۇكەندەرى دە جۇمىسىن جالعاستىرادى.
«تولىقتاي العاندا قىزمەت كورسەتۋ سەكتورى الداعى ۋاقىتتا بىرتىندەپ قارقىن الا باستايدى. ءوندىرىس سەكتورىنىڭ دا جوعارى قارقىنى ورىن الىپ وتىر. بۇگىنگى جالپى ىشكى ءونىم - 0,9 پايىزدى قۇرايدى. ءبىراق، جىل سوڭىندا ازداعان وڭ وسىمگە شىعامىز دەپ جورامالداۋعا نەگىز بار»، - دەدى ق ر ۇلتتىق ەكونوميكا ۆيتسە- ءمينيسترى.
اۆتور: مارلان جيەمباي