ۇ ب ت-2020: تالاپكەرگە ارنالعان نۇسقاۋلىق
ق ر ب ع م جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ تاڭداۋدى قالاي جاساۋ كەرەك ەكەنىن، نەدەن باستاپ، نە نارسەگە دايىن بولۋ كەرەگىن ايتتى، دەپ حابارلايدى قازاقپارات.
ەڭ الدىمەن، ءا. تويبايەۆ بولاشاق ماماندىقتى تاڭداۋعا ۇلكەن جاۋاپكەرشىلىكپەن قاراۋدى، ەڭبەك نارىعىندا كاسىپتىڭ سۇرانىسقا يە بولۋىن ەسكەرە وتىرىپ، كەلەشەگىن باعالاۋدى ۇسىندى. دەپارتامەنت ديرەكتورى بۇل پروتسەسكە اتا- انالارى مەن جاقىندارىن دا قاتىستىرۋعا، ءتىپتى سىنىپ جەتەكشىسىمەن كەڭەسۋگە شاقىردى. بالا ءوزىنىڭ مۇمكىندىكتەرىن، ماماندىققا بەيىمىن، الەۋەتىن ءتۇسىنۋى قانشالىقتى ماڭىزدى ەكەنىن اتاپ ءوتتى.
«ارينە، ءوز بەيىمىڭىزدى ەسكەرە وتىرىپ، بولاشاعىڭىزدى قالاي ەلەستەتەتىنىڭىزدى، الداعى جوسپارلارىڭىزدى ودان ءارى قالاي ىسكە اسىراتىنىڭىزدى دا ەسەپكە العان ءجون. ەگەر ءسىز جاراتىلىستانۋ عىلىمدارىنا كوبىرەك بەيىم بولساڭىز، ءتيىستى باعىتتى تاڭداۋدى ۇسىنامىز، گۋمانيتارلىق سالادا دا وسىلاي. كەلەسى قادام - ماماندىق سايكەس كەلەتىن بەيىندى پاندەردى انىقتاۋ. بەيىندىك پاندەرى بار ءبىلىم باعدارلامالارى توپتارىنىڭ تىزبەسىن ۇلتتىق تەستىلەۋ ورتالىعىنىڭ سايتىنان تابۋعا بولادى»، - دەپ ءبولىستى ادىلەت تويبايەۆ.
وقۋعا ءتۇسۋشى ۇلتتىق ءبىرىڭعاي تەستىلەۋ تاپسىرادى. ۇ ب ت ناتيجەلەرىن ەسكەرە وتىرىپ، ودان ءارى ءبىلىم بەرۋ گرانتىن تاعايىنداۋ بويىنشا كونكۋرسقا قۇجاتتار تاپسىرۋ كەزەڭى جۇرگىزىلەدى. بۇل ءراسىم 13-20 - شىلدە ارالىعىندا ەلەكتروندىق ۇكىمەت پورتالى ارقىلى جۇزەگە اسىرىلادى.
«ەگەر تالاپكەر كامەلەتكە تولماعان بولسا جانە ە س ق- سى بولماسا، ونى زاڭدى وكىلدىڭ قاتىسۋىمەن جاساۋعا بولادى. ەگەر ءتۇسۋشىنىڭ ە س ق- سى بار بولسا، ول قۇجاتتاردى ءوزى بەرە الادى، ءبىراق بۇنى اتا- اناسىنىڭ قاتىسۋىمەن جاساۋدى ۇسىنامىن. ەلەكتروندىق ۇكىمەت سايتىندا ءبىلىم بەرۋ باعدارلامالارىنىڭ ناقتى توپتارىن، ج و و- نى تاڭداۋعا جانە كونكۋرسقا قاتىسۋعا ءوتىنىش جىبەرۋگە بولادى.
وتىنىشكە ءبىلىمى تۋرالى قۇجاتتى، ۇ ب ت سەرتيفيكاتىن، 086-ۋ نىسانىنداعى مەديتسينالىق انىقتامانى، جەكە باسىن كۋالاندىراتىن قۇجاتتىڭ كوشىرمەسىن قوسا تىركەۋ قاجەت. وقۋعا ءتۇسۋشى كونكۋرس قورىتىندىسى بويىنشا گرانتتىڭ تاعايىندالعان نەمەسە تاعايىندالماعانى تۋرالى جاۋاپتى پورتالدا الادى. ەگەر جاۋاپ وڭ بولسا، ءسىز گرانت تۋرالى ەلەكتروندىق كۋالىك الاسىز»، - دەدى جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى.
ودان كەيىن پورتالدان گرانت جەڭىپ العان ج و و- عا تىركەلۋگە ءوتىنىش بەرەسىز، وسى جەردە جاتاقحانادان ورىن الۋعا دا ءوتىنىش تاپسىراسىز.
«مۇنىمەن قابىلداۋ ءراسىمى اياقتالمايتىنىن ايتا كەتۋ كەرەك. تالاپكەر بەلگىلەنگەن مەرزىمدە ج و و- عا كەلىپ، ءبىلىم بەرۋ قىزمەتىن كورسەتۋ تۋرالى شارت جاساسۋى ءتيىس. ەگەر مۇنى جاساماسا، وندا تىركەۋ جۇزەگە اسىرىلمايدى جانە زاڭدى كۇشىنە ەنبەيدى»، - دەپ ءتۇسىندىردى ادىلەت تويبايەۆ.
اۆتور: رۋسلان عابباسوۆ