توكيو-2020: قازاقستان قورجىنىندا قانشا ليتسەنزيا بار
ەڭ كوپ ليتسەنزيانى ەركىن كۇرەس بالۋاندارى جانە ساداق اتۋشىلار جەڭىپ العان. اتالعان سپورت تۇرلەرىنەن ءتورت-تورتتەن بارلىعى 8 جولداما بار.
ەكىنشى ورىندا 3 جولداماعا يەلىك ەتكەن جەڭىل اتلەتتەر مەن تاسجولداعى ۆەلوسپورتتا سىنعا تۇسەتىن سپورتشىلار تۇر.
ال ءجۇزۋ سپورتىنان – 2، گرەك-ريم كۇرەسىنەن – 2، ايەلدەر كۇرەسىنەن 2 ليتسەنزيا بۇيىرعان بولسا، قازىرگى بەسسايىستان تاعى 2 جولدامامىز بار.
كەلەسى سپورت تۇرلەرىنەن ازىرگە وليمپياداعا ءبىر-بىردەن جولداما بار - اشىق سۋدا ءجۇزۋ، سينحروندى ءجۇزۋ، سپورتتىق قۇزعا ورمەلەۋ، سپورتتىق گيمناستيكا، ستەند اتۋ، نىسانا كوزدەۋ، كاراتە.
ەسكە سالايىق، وسى كۇندەرى يوردانيانىڭ اممان قالاسىندا بوكستان ازيا-تىنىق مۇحيتى ايماعى ەلدەرىنىڭ ىرىكتەۋ ءتۋرنيرى ءوتىپ جاتىر. بۇل دودادان كەيىن جولدامالار سانى ارتادى دەگەن ۇمىتتەمىز.
اۆتور: كۇنسۇلتان وتارباي