+7 (701) 759 90 19
1 °С : نۇر-سۇلتان
7 °С : الماتى
USD 378.36 EUR 411.92
RUB 5.76 CNY 53.92
جاڭالىقتار

قاسىم- جومارت توقايەۆ دۋبايداعى «ەكسپو-2020» حالىقارالىق كورمەسى قالاشىعىنا باردى

28 قاڭتار 20:25
:ءبولىسۋ
قاسىم- جومارت توقايەۆ دۋبايداعى «ەكسپو-2020» حالىقارالىق كورمەسى قالاشىعىنا باردى

دۋباي. قازاقپارات - قازاقستان پرەزيدەنتى قاسىم- جومارت توقايەۆ دۋبايداعى «ەكسپو-2020» حالىقارالىق كورمەسى قالاشىعىنا باردى. كورمە وسى جىلدىڭ قازان ايىندا اشىلادى، دەپ حابارلايدى قازاقپارات ءتىلشىسى.

مەملەكەت باسشىسى قازاقستاندىق پاۆيلوننىڭ قۇرىلىسى بارىسىمەن تانىستى. اراب تارابى مارتەبەلى مەيمانعا بولاشاق كورمەنىڭ شاعىن تانىستىرىلىمىن وتكىزدى.

«دۋباي ەكسپو-2020» حالىقارالىق كورمەسى «بولاشاق ءۇشىن سانا- سەزىمدى بىرىكتىرۋ» تاقىرىبىمەن 20 - قازان مەن 10 - ءساۋىر ارالىعىندا وتەدى. كورمەگە شامامەن 20 ميلليون ادامنىڭ كەلەتىندىگى كۇتىلەدى. ءبىزدىڭ پاۆيلون «مۇمكىنشىلىك» تاقىرىپتىق كلاستەرىندە ورنالاسقان. ول بىرىككەن اراب امىرلىكتەرىنىڭ پاۆيلونىنا تاقاۋ تۇر»، - دەدى «ەكسپو-2017» ۇلتتىق كومپانياسى حالىقارالىق قاتىناستار دەپارتامەنتىنىڭ باستىعى نۇربەك ەرگەشبايەۆ.

سونىمەن قاتار ول قازاقستان 2008 -جىلدان بەرى «ەكسپو» حالىقارالىق كورمەسىنە قاتىسىپ كەلە جاتقاندىعىن ايتتى.


قازاقستان پاۆيلونى ەكسپوزيتسيا بىرنەشە بولىكتەرگە بولىنگەن. وندا ءوڭىرىمىزدىڭ الەمدە الاتىن ورنى، ەلىمىزدىڭ تۋريستىك الەۋەتى، تاريحى، مادەنيەتى جانە استاناسى تۋرالى اقپارات بەرىلەدى. سونىمەن قاتار كورمەگە كەلۋشىلەر قازاقستاننىڭ ەكونوميكالىق جانە ينۆەستيتسيالىق مۇمكىندىكتەرى جونىندە مالىمەت الا الادى. ينتەراكتيۆتى شوۋدىڭ سوڭىندا پاۆيلون قوناقتارىنا جاساندى ينتەللەكتىنىڭ ادامزات بولاشاعىنا اسەرى تۋرالى ايتىلادى.

اۆتور: مارلان جيەمباي



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات