قازاقستاندا 2020-جىلى ورالمان قابىلداۋ كۆوتاسى قىسقاردى

نۇر-سۇلتان. قازاقپارات - قازاقستاندا ورالمان قابىلداۋدىڭ بيىلعى جىلعا ارنالعان وڭىرلىك كۆوتاسى بەكىتىلدى.

قازاقستان ۇكىمەتىنىڭ قاۋلىسىنا سايكەس، 2020-جىلى 1378 ادامعا كۆوتا بەرىلمەك. بۇل بىلتىرعى جىلمەن سالىستىرعاندا 653 ادامعا از. وتكەن جىلى 2031 ادامعا كۆوتا بولىنگەن بولاتىن.

«2020-جىلى كۆوتا بىلايشا ءبولىندى: پاۆلودار وبلىسى بويىنشا - 500 ادام، قوستاناي وبلىسى – 350، اقمولا وبلىسى – 258، شىعىس قازاقستان وبلىسى - 150 جانە سولتۇستىك قازاقستان وبلىسى بويىنشا – 120» دەلىنگەن قازاقستان ەڭبەك جانە حالىقتى الەۋمەتتىك قورعاۋ مينيسترىلىگىنىڭ دۇيسەنبى، 27- قاڭتارداعى اقپاراتىندا.

قازاقستانعا كەلگەن ورالماندارعا قولداۋ رەتىندە سۋبسيديا بولىنەدى. تاريحي وتانىنا كوشىپ كەلگەن وتباسىنىڭ ءار مۇشەسىنە 35 ا ە ك (84,2 مىڭ تەڭگە) مولشەرىندە ءبىرجولعى تولەم؛ تۇرعىن ءۇيدى جالعا الۋ جانە كوممۋنالدىق قىزمەتتەردى تولەۋگە جۇمسالعان شىعىستى جابۋعا 12 اي ىشىندە وتباسىنا 15 تەن 30 عا دەيىنگى كولەمدە ا ە ك (36,1 دەن 72,2 مىڭ تەڭگە) بەرىلەدى.

1991-جىلدان 2020-جىلعى 1- قاڭتارعا دەيىن شەتەلدەن بارلىعى 313256 وتباسى (1057280 ەتنيكالىق قازاق) تاريحي وتانىنا ورالىپ، ورالمان مارتەبەسىن العان.

«ازاتتىق»